________________
૨૧૦
ભ૮૮-૪
....લંકા વિજય....
આજની સ્થિતિ જૈનકુળમાં જન્મેલી કન્યાઓની અને જેનપત્નીઓની કઈ મનોદશા હોય ? તેને આ પ્રસંગ ઉપરથી ઘણો સુંદર ખ્યાલ આવી શકે તેમ છે. આ ભાવના હોય ત્યાં પત્નીઓ એમ કહે ખરી કે, મારા પતિએ મારી આજ્ઞા વિના દીક્ષા કેમ લીધી?” આજે સુસંસ્કારો નષ્ટપ્રાય: થતા જાય છે અને કુસંસ્કારોનું બળ વધતું જાય છે. પોતાને લોકોત્તરમાર્ગના અનુયાયી તરીકે ઓળખાવનારાઓ, લોકિક ઉચ્ચતાથી પણ પરવારી બેસે, એ ઓછું શોચનીય છે ? નહિ જ ! પત્ની એટલે પતિની સહચારિણી, પણ તે સેવિકાભાવે ! આ આર્યભાવના. પણ આજે તો આર્યભાવનાઓ નષ્ટ થતી જાય છે અને અનાર્યભાવનાઓ પોતાનું સામ્રાજ્ય જમાવી રહી છે. તેમાંથી જે કોઈ બચશે તેનું તેટલું કલ્યાણ થશે. આર્યપત્ની પતિના કલ્યાણમાં જ રાજી હોય. પતિના કલ્યાણ માટે પોતાના સ્વાર્થનો ભોગ દેવો પડે તેમ હોય તો આર્યપત્ની તેથી નાખુશ ન થાય પણ આનંદ પામે. | ‘પતિ કલ્યાણમાર્ગે સંચરશે તો તે ભોગસુખથી વંચિત રહેશે, | માટે પતિને કલ્યાણમાર્ગે તો રોકવો' આવી અધમભાવના સાચી આર્યપત્નીમાં ન આવે, તો પછી ક્ત પત્નીમાં તો આવે જ શાની ? પાછળ જીવનનિર્વાહનું પૂરતું સાધન ન હોય તો પણ લોકોત્તર માર્ગની વિશિષ્ટતાને પામેલી પુણ્યશાલિની પત્ની તો એ જ કહે કે આપ એ માટે બેફકર રહો, મજૂરી કરી પેટ ભરીશ પણ આપણું કુળ લાજે તેવું કંઈ જ નહિ કરું? હું મંદસત્ત્વ છું કે આપની જેમ મારાથી સંયમના પવિત્ર માર્ગે અવાતું નથી. આપ ખુશીથી આપનું કલ્યાણ સાધો અને બીજા ભવમાં કોઈ તેવો પ્રસંગ આવી લાગે તો આ દાસીના આત્માને તારવાનું ચૂકશો નહી.
શ્રી ગુણસાગરનો પ્રસંગ શ્રી ગુણસાગરની સાથે પરણનારી આઠ કન્યાઓના સંબંધમાં ૯ પણ શ્રી જંબુકુમાર જેવો પ્રસંગે ઉપસ્થિત થયો છે. તે વખતે પણ શ્રી
