________________
છે પણ નામના છે, મુનિ લખે છે પણ રેલવિહારી છે અને સ્વચ્છન્દાચારી છે ! પરંતુ ભવિષ્યનાં વાંચકો એ જાણે ? આજે ખોટા સાહિત્યની સામે સાચું સાહિત્ય મૂક્યું હોય, તો ભવિષ્યમાં વાંચનાર ખોટાને ખોટા તરીકે અને સાચાને સાચા તરીકે પીંછાની શકે. સાહિત્યની સામે સાહિત્ય મૂકવું જોઈએ. આપણે રાગી તો છીએ. શરીર માટે રાગ કરાય અને અહીં નહીં ? અહીંનો રાગ તો રાગની જડ ઉપર છીણી ફેરવનારો છે. એ રાગ કેળવાય તો ધર્મરક્ષા થાય, શાસન પ્રભાવના થાય અને ક્રમે ક્રમે મોક્ષની નજદિક જવાય. મોક્ષમાર્ગ ઉપર રાગ હોય, શ્રી જિનાજ્ઞા ઉપર રાગ હોય, તો મોક્ષમાર્ગની આરાધના સામેના ચેડાં દૂર કરવાની બુદ્ધિ આપોઆપ ઉત્પન્ન થાય. છતી શક્તિએ અને છતાં સંયોગે એ ન થાય, તો સમજવું કે શાસન પ્રત્યેના રાગમાં જ ખામી છે.
શ્રી રાવણે શ્રી શાન્તિનાથ ભગવાનની કરેલી સુંદર
સ્તવના
આપણે જોઈ ગયા કે શ્રી રાવણ પોતાના કષાયોને શાંત કરીને શ્રી જિનેશ્વરદેવ શ્રી શાન્તિનાથ ભગવાનના ચૈત્યમાં ગયા છે. ત્યાં જઈને દૂધના કુંભોથી શ્રી રાવણે ઇન્દ્રની જેમ શ્રી શાંતિનાથ ભગવાનનું સ્નાત્ર ભક્તિપૂર્વક કર્યું છે. ત્યારબાદ ગોશીર્ષ ચન્દનથી અંગરાગ અને દેવતાઈ પુષ્પોથી પૂજા કરીને શ્રી રાવણ શ્રી શાંતિનાથ ભગવાનની સ્તુતિ કરે છે. શ્રી રાવણ તે વખતે કયા સંયોગોમાં છે ? તે આપણે જોઈ ગયા છીએ. એવા સંયોગો વચ્ચે પણ શ્રી જિજ્ઞેશ્વરદેવની પાસે કોઈપણ પ્રકારે વિપરીત માંગણી શ્રી રાવણ કરતા નથી. એ તેમની અજબની સત્ત્વશીલતા ને ધાર્મિકતા છે.
એ સ્તુતિ રજૂ કરતાં કલિકાલસર્વજ્ઞ આચાર્ય ભગવાન શ્રીમદ્ હેમચન્દ્રસૂરીશ્વરજી મહારાજા ફરમાવે છે કે
વિષયાધીન પણ રાવણ પ્રભુભક્તિમાં એકાકાર...૫
D
