________________
કહેવાય ? ઠીક છે, ન જનાર કરતાં એ હજાર દરજ્જે સારા. એમ જતાં કો'ક દિવસ એ વાતાવરણની છાયા પડશે. પણ જનારને જવાની રીતનું ભાન કરાવવું જોઈએ ને ? તીર્થયાત્રા આંટારૂપ ન બની જવી જોઈએ. સ્પર્શવેધી રસથી લોઢું સોનું બને, પણ લોઢા જેવા તો બનવું જોઈએ ને ? માટી જેવા રહેવાય તો સોનું બનાય ? નહિ જ. જેટલી યોગ્યતા હોય તેટલી શ્રી જિનેશ્વરદેવના પાદસ્પર્શના પુણ્યપ્રતાપે નિર્મળતા વધારે થાય. બાળક પૂજા કરવા જાય એને વૈરાગ્ય ન થાય, તો મા-બાપને દુ:ખ થવું જોઈએ. હિતસ્વી મા-બાપ રોજ પૂછે કે, શ્રી વીતરાગ પાસે ગયો હતો, છતાં વૈરાગ્ય કેમ ન થયો ? આવું રોજ પૂછવું જોઈએ એમ લાગે છે ? તમને આટલી ઉંમર સુધી વૈરાગ્ય ન થયો એનું દુ:ખ થાય છે ? જો તમને વૈરાગ્ય ન થયો એનું દુ:ખ થાય, તો બાળકને વૈરાગ્ય ન થાય એનું પણ દુ:ખ થાય. પરંતુ જીંદગીભર પૂજા કરવા છતાં તમને આ ભાવના ન આવી હોય ત્યાં શું થાય ? માટે કહું છું કે, ક્રિયાઓના ભાવને સમજતાં શીખો.
વૈરાગ્યના અર્થી બનો પણ
વૈરાગ્યના વૈરી ન બતો
સભા : આજે તો પૂજા કરતાં ધમાધમ વધારે થાય છે. બાળકને પૂજા કરવા મોકલે છે, પણ તે કાંઈ વૈરાગ્ય માટે નહિ ! જો કદાચ વૈરાગ્ય થઈ જાય, તો ઉલ્ટું પૂજા કરવાનું પણ બંધ કરાવાય.
પૂજ્યશ્રી : એ કારમી અજ્ઞાનતા છે. જૈન માતાપિતા તો બાળકને વૈરાગ્ય થાય એથી ખુશ થાય. મા-બાપને એમ થવું જોઈએ કે, ‘અમારે ઘેર જન્મેલા બાળક શ્રી નિધર્મને પામી જાઓ !' શ્રી જિનપૂજા આદિ કરણીઓ કરવાની શા માટે ? એથી દર્શનશુદ્ધિ થાય અને સમ્યક્ત્ચારિત્રની નિકટ પહોંચી, મોક્ષ પમાય એ માટે ! શ્રી આર્દ્રકુમારનો એકવારનાં મૂર્તિનાં દર્શનથી સંસાર ગયો. પૂર્વના સંસ્કાર જાગૃત થાય, એવા તમે સંસ્કાર પાડો. પૂજા એવી કરો કે વૈરાગ્ય આવે.
વિષયાધીન પણ રાવણ પ્રભુભક્તિમાં એકાકાર...૫
૧૦૩
