________________
૧૦૦
લંકા વિજય... ભદ-૪
નહોતી. પણ નામ તારક છે. નામ તારક શાથી ? પ્રભુ તારક માટે ! પ્રભુ તારક કેમ ? એ તો શ્રી વીતરાગ છે.
શ્રી જિનેશ્વરદેવોએ તરવાનો માર્ગ દર્શાવ્યો. તારક શાસનની સ્થાપના કરી, માટે એ તારક છે. તરવાનું આપણે જાતે. મહેનત આપણે કરવાની, પણ માર્ગ શ્રી જિનેશ્વરદેવે દર્શાવ્યો. માર્ગ ન જાણતાં હોઈએ તો શું થાય ? મહેનત માથે પડે. માર્ગ બતાવે એ મહા ઉપકારી શ્રી જિનેશ્વરદેવ. મોક્ષમાર્ગ દર્શાવવા દ્વારા મહા ઉપકારી છે. સંસારસાગરથી તારનારા છે. સંસારસાગરથી તારનારા પરમાત્માની મૂર્તિ પાસે, ભગવાન પાસે, સંસારમાં ખેંચવાનું મંગાય ? નહિ જ ! દુર્લબબોધિ બનવાના માર્ગોથી પાછા હઠો અને માર્ગની આરાધના મોક્ષને માટે કરતા બનો ! શ્રી વીતરાગ પાસે રાગની, રાગનાં સાધનોની ભીખ ન માંગો ! ઇરાદો આખો ફરી જાય છે. સંસારથી જે છોડાવે, તેનો જ ઉપયોગ સંસાર વધારવામાં કરાય, તો એ કારમો હેતુદ્રોહ ગણાય અને એ કરણીય ન ગણાય. પણ ત્યાજ્ય ગણાય.
પૂજક લાલચુ ન હોવો જોઈએ શ્રી રાવણ શ્રી જિનેશ્વરદેવની પૂજાના ફળસ્વરૂપ કહે છે. “હે પરમેશ્વર ! જે આત્માઓ આપની અષ્ટ પ્રકારની પૂજા કરે છે. તે આત્માઓને અણિમાં આદિ આઠે પણ સિદ્ધિઓ હાથમાં રહેનારી થાય છે.” સ્તુતિમાંના ત્રીજા શ્લોકનો આ ભાવ છે. શ્રી જિનેશ્વરદેવની અષ્ટપ્રકારી પૂજાને વાસ્તવિકપણે કરનારને આઠ સિદ્ધિઓ પ્રાપ્ત થાય એમાં નવાઈ પામવા જેવું નથી. પણ પૂજા કરનાર એ અષ્ટસિદ્ધિનો લાલચુ નહિ હોવો જોઈએ. લાલચ ન હોય અને વાસ્તવિક રીતે
યથાવિધિ પૂજા કરાય, તો આ લોકની સિદ્ધિઓ તો શું પણ મુક્તિ - સુખેય મળે.
આજે પૂજા કરનાર વિધિનો ખ્યાલ કેટલો રાખે છે ? પ્રભુની પૂજા કરતી વેળા હૈયામાં બીજી હાયવોય ન જોઈએ. દ્રવ્યપૂજા એ
