Agam 11 Ang 11 Vipak Sutra Shwetambar

Author(s): Purnachandrasagar
Publisher: Jainanand Pustakaly

Page 18

Acharya Shri Kailashsagarsuri Gyanmandir
करेहि य भरेहि य विद्धीहि य उक्कोडाहि य पराभवेहि य दिजेहि य भेजेहि य कुंतेहि य लंछपोसेहि य आलीवणेहि य पंथकोहेहि यओवीलेमाणे २ विहम्मेमाणे २ तजेमाणे २ तालेमाणे २ निद्धणे करमाणे २ विहरति, तते णं से एक्काई टुकूडे विजयवड्ढमाणस्स खेडस्स बहूणं राईसर० जाव सत्थवाहाणं अण्णेसिं च बहूणं गामेल्लगपुरिसाणं बहूसु कज्जेसु कारणेसु य संतेसु य गुज्झेसु य निच्छएसु य ववहारेसु य सुणमाणे भणति न सुणेभि असुणमाणे भणति सुणेमि एवं पस्समाणे भासमाणे गेण्हमाणे जाणमाणे, तते णं से एक्काई टुकूडे एयकम्मे एयप्पहाणे एयविजे एयसमायारे सुबहुं पावं कम्मं कलिकलुस समजिणमाणे विहरति, तते णं तस्स एगाइयस्स टुकूडस्स अण्णया कयाई सरीरगंसि जमगसमगमेव सोलस रोगायंका पाउब्भूया, तं० सासे कासे जरे दाहे कुच्छिसूले भगंदरे । अरिसे अजीरते दिट्ठी मुद्धसूले १० अकारए ॥ २ ॥ अच्छिवेयणा कण्णवेयणा कंडू दओदरे कोढे १६, ततेणं से एक्काई टुकूडे सोलसहिं रोगातंकेहिं अभिभूते समाणे कोडुबियपुरिसे सद्दावेति त्ता एवं व० गच्छह णं तुब्भे देवाणुप्पिया! विजयवड्ढमाणे खेडे संघाडगतियचउच्कचच्चरमहापहपहेसु महया २ सहेणं उग्धोसेमाणा २ एवं व्यहएवं खलु देवाणुप्पिया! एक्काई० सरीरगंसि सोलस रोगायंका पाउब्भूता सासे कासे जरे जाव कोढे तं जो णं इच्छति देवाणुप्पिया! वेंजो वा वेजपुत्तो वा जाणुओ वा जाणुयपुत्तो वा जाणुओ वा जाणुयपुत्तो वा तेगिच्छिओ वा तेइच्छियपुत्तो वा एगातिस्स तेसिं सोलसण्हं रोगायंकाणं एगमवि रोगायंकं उवसाभित्तते तस्स णं एक्काई टुकूडे विपुलं अत्थसंपयाणं दलयति, दोच्चंपि तच्चंपि उग्धोसेह त्ता एयमाणत्तियं |॥ श्री विपाकदशाङ्गम् ॥
पू.सागरजी म. संशोधित
For Private And Personal