Tattvavalokan Samiksha

Author(s): Abhayshekharsuri
Publisher: Kantilal Chhaganlal

Page 6

વિજયજીએ તૈયાર કરેલી. તેના ઉપરથી ૯૨ ફુલસ્કેપ પેજનું એક સંક્ષિપ્ત લખાણ કરીને તેની નકલ વિ. સં. ૨૦૪૨ માં લાલબાગના ઉપાશ્રયે પૂજ્યપાદ આચાર્યદેવ શ્રીમદ્ વિજયરામચંદ્ર સૂરીશ્વરેજી મહારાજાને પણ હાથોહાથ પહોંચાડવામાં આવેલી, જેનો કોઈ પ્રત્યુત્તર મળેલો નહીં. ત્યાર બાદ, વિ.સં. ૨૦૪૩ માં તેનું સમાધાન થઈ જવાથી આ સમીક્ષાને પ્રકાશિત કરવાનું કોઈ પ્રયોજન નહોતું. '
પણ, ઉપરોક્ત કારણોસર આ સમીક્ષાના પ્રકાશનની હવે આવશ્યકતા ઊભી થતાં “તત્ત્વાવલોકન સમીક્ષા' નામનું આ પુસ્તક અને પ્રકાશિત કરી રહ્યા છીએ. આ પુસ્તકમાં પૂર્વગ્રહરહિતપણે અને શાસસાપેક્ષ રહીને વિદ્વધર્ય પૂ. મુનિરાજશ્રી અભયશેખરવિજય.મહારાજે,તત્ત્વાવલોકનકાર ભાગ્યશાળી પૂ. શ્રી કીર્તિયશવિજયજી મહારાજે શાસ્ત્ર પાઠોનાં કરેલાં વિસંગતિભરેલાં અર્થકથનોમાં રહેલી વિસંગતિઓ દર્શાવીને, શાસ્ત્રાધારો સહિત યથાર્થ શાસ્ત્રાર્થ બતાવીને તથા સચોટ તર્કો અને યુક્તિઓ આપીને, તત્ત્વાવલોકનનાં અનેક વિપરીત પ્રતિપાદનોની અત્યંત સૂક્ષ્મ અને સચોટ સમીક્ષા કરી છે. કોઈ પણ તટસ્થ વ્યક્તિ સરળતાથી સત્યને સમજી શકે તેવી અદ્ભુત છણાવટ પૂ. મુનિરાજશ્રીએ કરી છે. •
મધ્યસ્થ અને ભદ્રિક જી પ્રત્યેના ભાવઉપકારની બુદ્ધિથી અમે આ પુસ્તક પ્રકાશિત કરી રહ્યા છીએ. પ્રસ્તુત વિષયનો જિનવચનમાન્ય નિર્ણય કરવાના ઇચ્છુકને તો ખરી જ, પણ બુદ્ધિને શાસ્ત્રવચનોના યથાર્થ અર્થ પકડી આપે તેવી અને કોઈએ કરેલા અયથાર્થ અર્થમાં શા દોષો રહેલા છે, તે પકડી આપે એવી સૂક્ષ્મ તાર્કિક બનાવવાના ઇચ્છુકને પણ આ સમીક્ષાનું મધ્યસ્થતાપૂર્વક ચીવટથી અધ્યયન કરવા ખાસ ભલામણ છે.
આ પુસ્તકનું સૂક્ષ્મતાથી અધ્યયન કરી, સહુ કોઈ જિનવચનનું હાર્દ સમજે અને બન્ને પૂજ્યો વચ્ચે થયેલા સમાધાનવાળા માર્ગદર્શક પત્રને શિરોમાન્ય કરે, એ જ અભ્યર્થના ! મલાડ (પૂર્વ)
લિ. મુંબઈ-૪૦૦ ૦૯૭
શાહ કાન્તિલાલ છગનલાલ દોશી રમેશચન્દ્ર અમૃતલાલ