________________
ઉપાદાનશુદ્ધિ, આરાધકભાવ, ગુણવૈભવ, ગંભીરતા, સરળતા, સહજ કર્મોદયનો સ્વીકાર વગેરે અનેક બાબતો વધુ મહત્ત્વની લાગી. ઉબરમાં અંતરગુણ વૈભવ ન હોત તો... મયણા સંપૂર્ણ નિષ્ફળ જાત. મયણા આવો ઓપ ન આપી શકત. ઉંબર-શ્રીપાલના ગુણવૈભવની સાથે સાથે અજિતસેન, ધવલ, શ્રીકાન્ત, મયણાસુંદરી, સુરસુંદરીના પાત્રોનો સંદેશ પણ વ્યાખ્યાન વિગેરેમાં આવતાં લોકરૂચીકર બન્યો... અને પુસ્તકની માંગ આવી. આઠ વર્ષ પૂર્વે અજારીમાં અક્ષરદેહે ઢાળવાનો પ્રારંભ કરેલો, થોડું લખાણ થયું અને અટકી ગયું. પુનઃ આઠ વર્ષ પછી આ વર્ષે આરાધક શ્રોતાઓની ચાહના અને માંગને ધ્યાનમાં રાખી કામ હાથમાં લીધું. જે પુસ્તકરૂપે આજે તમારી સામે આવ્યું છે.. આતો માત્ર અંગુલી નિર્દેશ સ્વરૂપ છે. ચિંતક હજુ આનાથી અનેકગણું ખોલી શકે છે. જિનશાસનનો કથાનુયોગ બંધ કરેલી રત્નોની પેટી જેવો છે. પેટી જોતાં લાકડાની જ લાગે પરંતુ તેને ખોલે તો... રત્નો મળે. ચિંતકો, વિચારકો કે આરાધકો.. હજુ વધુને વધુ તત્ત્વ સંઘ-સમાજને આપી શકે છે. પ્રત્યેક કથાને તત્ત્વસભર વિભિન્ન દૃષ્ટિકોણથી વિચારી શકાય છે.
આ પુસ્તિકાના લખાણને પ્રેસકોપી કરવામાં જેસરબેન (વડોદરા), હેતલબેન (મલાડ) તથા સા. કલ્પપૂર્ણાશ્રીજી મ.સા. અને પ્રુફ માટે મુનિ ઋષભચન્દ્રસાગર, મુનિશ્રી અજીતચન્દ્રસાગર, સા. પૂર્ણિતાશ્રીજી મ.સા., સા.દીવ્યતાશ્રીજી મ.સા. આદિનો પ્રયાસ અનુમોદનીય છે.
અંતે ઉંબરનો ગુણવૈભવ, સત્વ અને મયણાનો વિવેક, મક્કમતા, શ્રદ્ધા વિગેરે જીવનમાં આરાધકભાવ માટે જરૂરી છે. આવા ગુણોની આંશિક પણ પ્રાપ્તિ કોઈ વાચકને થઈ તો.... શ્રમની સફળતા માની વિરમું છું.
નયચંદ્રસાગર.....
XI
