________________
શક્યો ન હતો. આ બાબતમાં શ્રીપાલ સદાય જળકમળવત્ રહ્યા છે.
શ્રીપાલનું આલંબન લઇ સમ્યગ્દર્શન પદની આરાધના દ્વારા આપણા મિથ્યાત્વને ઓગાળી જીવનમાંથી શઠતા શોધી શોધીને દૂર કરી જીવનમાં સરળતા ગુણને સ્થાપવાનો મેળવવાનો સંકલ્પ-પ્રયત્ન આજના દિવસે કરવાનો છે.
(૭) અજ્ઞાનતા :
અજ્ઞાનતા એટલે જ્ઞાનનો અભાવ કે અવળચંડી બુદ્ધિ, જ્ઞાન જ નથી કે રહસ્યનું ભાન નથી. આ અજ્ઞાનતા છે. અજ્ઞાનતાના કારણે જીવ અહીં-તહીં ભટકાય છે. આંધળો માણસ અથવા તો દેખતો માણસ આંખે પાટા બાંધી ચાલે તો અથડાતો-કૂટાતો જાય, જ્યાં ત્યાં, જેની તેની સાથે આ અંધ ફૂટાતો હોય છે. તેમ અજ્ઞાની જીવને સત્યાસત્યનું ભાન થતું નથી. પરિણામે સંસારમાં = ભવભ્રમણમાં અટવાતો હોય છે.
અજ્ઞાની જીવ બે પ્રકારના હોય છે. (૧) આવડે જ નહી. (૨) ન આવડતું હોય તો ય નથી આવડતું તે સ્વીકારે નહીં. અથવા પોતે જે સ્વીકારી લીધું છે તે આત્માને હિતકારી છે કે નહીં? તે વિચારે નહી આ બધી અજ્ઞાનતા છે. જ્ઞાનપદની આરાધના આ દોષને ટાળે છે.
જ્ઞાનપદની આરાધનાથી અજ્ઞાનતાનો નાશ થાય છે, જે પણ જ્ઞાન ભણે છે તેના હાર્દ-મર્મ સુધી પહોંચી શકે છે. આત્મવિકાસનો સાચો માર્ગ મળે છે. તત્ત્વની રુચિ પ્રગટે છે. અષ્ટપ્રવચન માતા જેટલું અલ્પ જ્ઞાન પણ તત્વની રૂચિ, આત્મ પ્રતીતિ કરાવી આત્માના અનંત સુખ પ્રાપ્તિના માર્ગ તરફ પ્રયાણ કરાવે છે. આ જ્ઞાન જ્ઞાનપદની આરાધનાથી પ્રાપ્ત કરવાનું છે. અહંભાવ પોતાની માન્યતાને જ સાચી મનાવે છે, જાણકારી ન હોય છતાં બધું જ જાણું છું તે દેખાવ કરવો આ ભ્રમણા એ જ મોટું અજ્ઞાન છે. શ્રીપાલમાં આવી કોઇ અજ્ઞાનતા ન હતી.
શ્રીપાલ, શ્રી મુનિચંદ્રસૂરીશ્વરજી મહારાજે આપેલી સિદ્ધચક્ર યંત્રની આરાધના વિધિ નથી જાણતા, તો પૂ. આચાર્યદેવ પાસે થીયરીકલ અને મયણા પાસે પ્રેક્ટીકલ શીખે છે. પોતાને આવડે છે, સમજી ગયા તેવો ડોળ નથી કરતા.
79
