________________
શ્રીપાલ કન્યાની શોધ માટે ફરે છે. ત્યારે કોઈ રાજકુમારીની માંગણી ક્યાંય કરી નથી.. સમજે છે કે આમાં મને નિષ્ફળતા જ મળવાની છે. તો શા માટે તેવી પ્રવૃત્તિ કરું? હું રાજકુમાર છું, રાજા છું, તો મને કેમ રાજકુમારી ન મળે તેવા કેસમાં ચડ્યા ન હતા. પરંતુ સ્થિતિને યોગ્ય તેઓએ પ્રવૃત્તિ આદરી પછી ભલે પુણ્ય યોગે મયણા મળી પરંતુ તેમની પ્રવૃત્તિ પરિસ્થિતિને આધીન નિષ્ફળતા ન મળે તે રીતની જ હતી.
શ્રીપાલના આ બધા પ્રસંગોને ધ્યાનમાં રાખી ચારિત્રપદ અને તપની આરાધના દ્વારા નિષ્કલારંભની વૃત્તિ રૂપ ભવાભીનંદીનો દોષ ટાળવાનો પ્રયત્ન કરવાનો છે.
ઉપસંહારઃ ભવાભીનંદીના આઠ દુર્ગુણ-આઠ દોષ ભવભ્રમણનું કારણ છે. તે દોષ જ્યાં સુધી ટળે નહી, દૂર થાય નહીં ત્યાં સુધી ધર્મક્રિયા સબીજ બની શકતી નથી અને આત્મ કલ્યાણનો માર્ગ પ્રાપ્ત થઈ શકતો નથી. આઠ દોષ ટાળનારી આ નવપદની આરાધના છે.
નવપદના એક-એક પદની આરાધનાથી ભવાભિનંદીનો એક એક દોષ ટળે છે. આપણા જીવનમાં જે દોષનો પ્રભાવ દેખાતો હોય તે પદની વિશિષ્ટ આરાધનારૂપ તપ-જપ-કાઉસગ્ન-ધ્યાનના માધ્યમે દ્રવ્ય-ભાવ આરાધના દ્વારા આ અષ્ટદોષ દૂર કરવા પ્રયત્ન કરવાનો છે.
ભવાભિનંદી પુદ્ગલાનંદી અને આત્માનંદીઆ ત્રણ પ્રકારના જીવોની ભૂમિકામાંથી આપણી ભૂમિકા કઈ છે તે અંતર નિરીક્ષણ કરવું અતિ આવશ્યક છે.
અને આત્માનંદીની ભૂમિકા પ્રાપ્ત કરવા માટે કટીબદ્ધ બનવામાં જ સિદ્ધચક્રની આરાધનાની સફળતા છે.
ఉండలు ముడుపులు
