________________
અંતરની શ્રદ્ધા, અદમ્ય ઉત્સાહ, સર્વસ્વભોગે ભકિત, ઉપાદાન શુદ્ધિ=અંતરની શુદ્ધિ, વિધિ મર્યાદાનું પાલન, અહોભાવ. આ બધા તત્વો હોયતોસિદ્ધચક્રજી અવશ્યફળવાના.” ઉંબર પોતાની આ અનુભૂતિ જણાવે છે.
* નોંધ : આજે ચાલુ પૂજનોમાં ક્રિયાકારકો દ્વારા વર્ણનાત્મક સમજૂતી (લેક્ટરબાજી) શરૂ થઈ છે તે બિલકુલ શાસ્ત્ર મર્યાદા રહિત છે. પૂજનના આગળના દિવસે કે રાત્રે આ સમજૂતીનો કાર્યક્રમ ગોઠવાય તો હજુ ઉચિત છે. બાકી તો ચાલુ પૂજનમાં ભાષણ આપવાથી (૧) વિધિ મર્યાદાનો ભંગ થાય છે. મંત્રાક્ષરો ક્રમસર ગોઠવાયેલા છે તેમાં વિલંબ થાય. (૨) દીક્ષા વગેરેના પ્રસંગમાં ભગવાન સમક્ષ આચાર્ય ભગવંત પણ ઉપદેશ આપતા નથી તો એક સામાન્ય ક્રિયાકારકને ભગવાન સામે લેક્ટરનો અધિકાર કોને આપ્યો? ભગવાનની આમન્યા તૂટી રહી છે. (૩) લેફ્ટર સારું આપે તે ક્રિયાકારક સારો, પછી ભલે મંત્રો અશુદ્ધ હોય, વિધિમાં ગોટાળો હોય (કારણ કે તે બાબતમાં સહુ અજાણ છે) તે નહીં વિચારવાનું શુદ્ધ-સાત્ત્વિક અને ઉચ્ચાર શુદ્ધિવાળા ક્રિયાકારકોની કિંમત ઘટતી જાય છે. આ બાબતમાં આરાધકો જાગૃત થશે તો... વિધિશુદ્ધિ, ઉચ્ચારશુદ્ધિ અને મર્યાદાશુદ્ધિનું પુનઃ જાગરણ થશે. વિધાનોની અનુભૂતિનો પ્રારંભ થશે.
પરથી નહીં સ્વથી ઓળખાવ
શ્રી સિદ્ધચક્રના પ્રભાવથી ઉંબરનો કોઢ રોગ શમી ગયો. ઔષધ અર્થે ગયેલી મા કમલપ્રભા પાછી આવી ગઈ. મયણાની માતા રૂપસુંદરી જિનાલયમાં મળ્યા. પોતાના મકાનમાં-સ્થાને લઈ ગઈ. કમલપ્રભાએ પોતાના દિકરાનો પરિચય આપ્યો. રૂપસુંદરી ખુશખુશ થઈ ગઈ. પ્રજાપાલ રાજાને સમાચાર મોકલ્યા. પ્રજાપાલ રાજાએ શ્રીપાલ-મયણાનું રાજમહેલમાં સ્વાગત કર્યું.
એક દી’ સમી સાંજે શ્રીપાલ ઘોડા પર ફરી રહ્યો છે, આનંદથી સમય પસાર કરી રહ્યો છે. દેવકુમાર જેવો સ્વરૂપવાન નવયુવાન જોઈ કોઈ પ્રજાજને પોતાના સાથીદારને પૂછ્યું “આ કોણ છે?” અને સાથીદારે જવાબ આપ્યો,
આપણા રાજાના જમાઈ છે.” ધીમા અવાજના પણ આ શબ્દો શ્રીપાલના કાને પડ્યા. આ શબ્દોથી શ્રીપાલ ચોંકી ઉઠ્યો. શું હું સસરાના નામથી બીજાના માધ્યમે ઓળખાઉં છું? મારી સ્વતંત્ર ઓળખ નહીં? હું મારા પોતાના ભાવોથી કેમ ન ઓળખાઉં? મારી પોતાની ઓળખ શું? વિચારે ચડ્યા... ઉંડા ઉતરી ગયા... મારે મારા પોતાના સ્વરૂપની ઓળખ ઉભી કરવી, દઢ નિશ્ચય કરી લીધો... ઘરે ગયા... ચેન નથી પડતું... મા દીકરાને ઉદાસ જોઈ ચિંતા કરે છે.
Conడు ముడుపులు
డబడులు ఎందుకు ముందుకు
