________________
(૨) શ્રીપાલને રાજા બનવાના અરમાન છે. કોઇના અહેસાન વિના પોતાના બાહુબલથી રાજા બનવું છે. આવા સમયે બબ્બરકુટ નગરમાં ધવલને છોડાવવા માટે મહાકાલ રાજા સાથે શ્રીપાલ યુદ્ધ કરે છે. એક બાજુ રાજા અને સૈનિકો છે, બીજી બાજુ માત્ર એકલવીર શ્રીપાલ છે... છતાં શ્રીપાલ જીતી જાય છે. મહાકાલ રાજાને હરાવે છે. રાજનીતિ પ્રમાણે ‘જીતે તેનું રાજ્ય' એ ઉક્તિ અનુસાર મહાકાલનું રાજ્ય-સેના સંપત્તિ બધું જ શ્રીપાલનું બની ગયું, શ્રીપાલ હવે રાજા બની શકે છે. છતાં શ્રીપાલ મહાકાલને તેનું રાજ્ય પાછું આપી દે છે... પોતાના બાહુબલથી રાજ્ય મળી ગયું હોવા છતાં શ્રીપાલ તેનો ત્યાગ કરે છે.
(૩) ધન સંગ્રહ કરવા નીકળેલ શ્રીપાલ પોતાને ખબર છે કે ધવલ મારી ઉપર ઇર્ષ્યા કરે છે. મારા વેપારને બગાડી નાખશે. છતાં પોતાના વ્યાપારની તમામ જવાબદારી ધવલને સોંપે છે, મારી આવક ઓછી થઇ જશે, કમાણી ધવલ લઇ લેશે વિગેરે કાંઇ વિચારતો નથી.
(૪) ધવલ ઉપર શ્રીપાલ સતત ઉપકાર કરતો રહે છે. છતાં ધવલને હૈયામાં શાંતિ નથી, શ્રીપાલને પોતાના હાથે જ મારી નાખવા ધવલ પ્રયત્ન કરે છે અને ધવલ જ મરી જાય છે. ધવલના મૃત્યુ બાદ તેની સંપત્તિ વૈભવ જહાજ વેપાર બધું જ શ્રીપાલને મળી શકતું હતું. ધવલનો કોઇ જ વારસદાર-પરિચિત સાથે ન હતું અને શ્રીપાલ રાખે તો કોઇ આંગળી ચિંધણું કરે તેવું પણ કોઇ ન હતું છતાં કોઇ વસ્તુ ના લેતાં તેના વારસદારની તપાસ કરાવી બોલાવીને તેને બધું સુપ્રત કર્યું.
(૫) સ્વયંવર મંડપ અને રાધાવેધના પ્રસંગે રાજાઓ સાથે યુદ્ધ થાય છે, જીતી લે છે છતાં કોઇના પણ રાજ્ય લેવાની ઇચ્છા શ્રીપાલની નથી.
(૬) પોતાના રાજ્યને પાછું આપવાની મીઠી માંગણીથી છંછેડાઇ અજિતસેન કાકા યુદ્ધ કરી શ્રીપાલને પોતાના જ હાથથી મારી નાખવા રોદ્રધ્યાનની આગમાં લપટાયા છે. અજિતસેન યુદ્ધ કરે છે ત્યાં શ્રીપાલ જીતી જાય છે. પિતાનું રાજ્ય અને અજિતસેન-કાકાનું રાજ્ય એમ બન્ને રાજ્ય શ્રીપાલના થઇ ગયા પરંતુ શ્રીપાલ તેજ યુદ્ધભૂમિ ઉપર ક્ષણમાત્રનો વિચાર કર્યા વગર જ કાકાને તેમનું
48
