________________
જીવોને ત્રણ વિભાગમાં વહેંચી શકાય. (૧) ભવાભિનંદી (૨) પુદ્ગલાનંદી (૩) આત્માનંદી.
(૧) ભવાભિનંદીને સંસાર જ ગમે, તેમાં જ મજા આવે (૨) પુદ્ગલાનંદીને સંસાર રૂચતો ન હોય પણ મોહક પુદ્ગલો સામે આવે એટલે લોભાઇ જાય, ખેંચાઈ જાય (૩) આત્માનંદી = સ્વયં પોતાના આત્મામાં સ્થિર હોય, પોદ્ગલિક ભાવોમાં ખેંચાય જ નહી.
આ ત્રણ વિભાગ પૈકી પ્રથમ વિભાગ ભવાભિનંદી જીવના આઠ દૂષણો, લક્ષણો, ચિન્હો છે. તેનાથી જે જીવો દુષિત થયા હોય છે, તે ભવપાર કેવી રીતે પામી શકે? આ ભવાભિનંદીના આઠ દુર્ગુણો સમજી તેને જીવનમાંથી હંમેશા દૂર કરવાની જરૂર છે. આ દુર્ગુણો જ્યાં સુધી આત્મામાં જામેલા છે ત્યાં સુધી આપણી ધર્મક્રિયાઓ સબીજ ધર્મક્રિયા બની શકતી નથી. ઉંબરમાં સાહજિક રીતે જ આ દૂષણો ન હતા. ઉંબર ભલે કોઢીયો હતો - સત્તા, સંપત્તિ, વૈભવ બધું જ ચાલી ગયું હતું પરંતુ તેનો આત્મવૈભવ અદ્ભૂત હતો. આઠે દુર્ગુણોનો અભાવ અને સદ્ગણોનો સદ્ભાવ હતો. ભૂમિકાની શુદ્ધિ હતી. જેથી તેમની પ્રથમ વારની જ આરાધના એ સબીજ આરાધના બની.
આપણને સંસારમાં પકડી રાખનારા ભવાભિનંદીના આઠ દૂષણો કયા છે તે જોઈએ.. ઓળખીએ.. અને તેને દૂર કરવા પ્રયત્નશીલ બનીએ.
(૧) શુદ્રતા (૨) લાભરતિ (૩) દીનતા (૪) માત્સર્ય (૫) ભય (૬) શઠતા (૭) અજ્ઞાનતા (૮) નિષ્કલારંભી.
આ ભવાભિનંદીના આઠ દુર્ગુણો છે. આ દુર્ગુણોને દૂર કરવા, તોડવા માટે જ નવપદની આરાધના છે. એક એક પદની આરાધનાથી, એક એક દોષો નીકળવા માંડે છે. આત્મગુણ પ્રગટ થાય છે. આત્મા દીપી ઉઠે છે.
ઉંબર રાણાએ પૂર્વભવમાં નવપદની આરાધના કરી, આ ભૂમિકા મેળવી હતી. ઉપાદાનની શુદ્ધિ હતી, જેથી આરાધના પ્રારંભમાં જ દીપી ઉઠી. નવપદની આરાધનામાં કયા પદની આરાધનાથી કયો દોષ ટળે અને કયો ગુણ ખીલે તે ટૂંકમાં જોઈએ.
ఉండడు ముడుపులు
'' બ્ધિ .૭.૮૭૭ષ્ઠ.
.
.બ્ધ છચ્છ.
