________________
આ લાભરિત નામનો દુર્ગુણ સિદ્ધપદની આરાધનાથી ટળે. સિદ્ધપદની આરાધના કરે, ધ્યાન કરે, ચિંતન કરે આત્માના અનંત ગુણો પ્રત્યે લક્ષ્ય જાય. અવ્યાબાધ આનંદ ઓળખાય અને સિદ્ધ પરમાત્માના પ્રભાવે આત્મગુણ વૈભવના દર્શન થાય જેમ અમૃત પીવાથી ચડેલું ઝેર ઉતરવા માંડે તેમ સિદ્ધપદની આરાધનાથી આસક્તિ ભાવનું-મોહનું ઝેર આત્મામાંથી ઉતરતું જાય. કદાચ પુણ્યના ઉદયે સંપત્તિ, વૈભવ અતિશય વધતા જાય તો પણ તે મારા નથી. કર્મના છે. કર્મે આપ્યા છે. ગમે ત્યારે વિયોગ થવાનો જ છે એવી સંપત્તિનો સદુપયોગ કરવાનો છે. એમ માની આત્માને આ વસ્તુથી અળગો રાખે. કદાચ પુણ્યની ખામીના કારણે જીવન જીવવા પૂરતી પણ સામગ્રી ન મળે તો પણ જે મળ્યું તેમાં ચલાવી લો. હાયવોય કરવાની જરૂર શી છે? કેટલું સાથે આવશે? આ ભાવોમાં ઓતપ્રોત થઇ ગયો હોય, આત્માનંદ તરફ લક્ષ્ય જાય એટલે આ બધી ભાવનાઓ આવે. એક કલ્પના કરો... તમોએ પૌષધ કર્યો છે, આત્માને પુષ્ટ કરનારી આરાધના કરી રાત્રે ઘરે આવ્યા છો, ત્યાં નાનો બાળક (પૌત્ર) આવીને આનંદથી કહે ‘“દાદા! દાદા! આજે તો મેં ત્રણ સામાયિક એક સાથે કરી’’. તમો તેને ધન્યવાદ આપો. ઇનામ આપો. થોડીવારમાં તમારો દીકરો ઘરમાં પ્રવેશ કરતાં જ કહે પિતાજી! આજે વેપારી સાથે સોદો કરતાં ૨૫ લાખ રૂા. કમાયો. હવે તમે વિચારો કે નાના પૌત્રે પહેલી જ વાર ત્રણ સામાયિક સાથે કરી અને દીકરો ૨૫ લાખ પહેલી જ વાર કમાયો. બંને સમાચાર તમે સાંભળો તો તમને આનંદ શેમાં થાય? કદાચ કહેશો કે બન્નેમાં આનંદ. તો વિચારો કે વધારે આનંદ શેમાં? અંતરમાં અર્થવાસના બેઠી છે જેના કારણે લાભરતિ થયા જ કરે છે.
શ્રીપાલને સિદ્ધચક્રના પ્રભાવથી અપાર સંપત્તિ મળી પરંતુ મન ક્યારેય તેમાં રમ્યુ નથી. આવી રીતે સિદ્ધચક્રમય થયા. લઇ લઉં, લઇ લઉંની ભાવના ન હતી. અપ્સરા જેવી મયણા મળી પણ આનંદ નહિ. પોતાનું સામ્રાજ્ય મેળવવાની ઇચ્છા છે તે માટે સંપત્તિ કમાવા નીકળ્યો છે. પ્રથમ રાત્રીએ જ ગિરિકંદરામાં સાધકોને શ્રીપાલના પ્રભાવથી વિદ્યા સિદ્ધ-રસસિદ્ધિ થતાં, રસસિદ્ધિ સુવર્ણ ઉપકારની ભાવનાથી આપે છે પણ સ્વીકારતા નથી. તેની મહેનતનું છે
71
