________________
જ્યાં સંકટ આવ્યા, ત્યાં ત્યાં શ્રીપાલે પ્રભુને, સિદ્ધચક્રને, નવપદને યાદ કરી લીધા અને બધાજ સંકટના વાદળ ક્ષણમાત્રમાં વિખરાઈ ગયા. શ્રીપાલને જે કાંઈ મળ્યું છે તેમાં પોતાનો નહીં પણ, સિદ્ધચક્ર- નવપદનો જ પ્રભાવ માને છે. ક્યાંય પોતાનું માન્યું નથી. જે મળ્યું છે તેમાં અનાસક્તભાવ છે. ક્યાંય મમત્વભાવ નથી. આટલી સંપત્તિ-વૈભવ, સત્તા હોવા છતાં પણ સિદ્ધચક્રની આરાધના પરિવાર સાથે કરે છે. સિદ્ધચક્ર-નવપદમય જીવન થઈ ગયું છે. માટે તો રાજ્ય દિકરાને સોંપે છે. રાજ્યકાર્યથી નિવૃત્ત થઈને સિદ્ધચક્રનું ધ્યાન ધરે છે, વિસ્તારથી નવપદનું ચિંતન કરે છે. પોતાના આત્માને જ અરિહંતાદિ નવપદ સ્વરૂપ જુવે છે. કેવી છે ધ્યાનની આ ઉચ્ચતમ ભુમિકા !!!
શ્રીપાલનો વૈભવ સંપત્તિ અને રાજપાટની વાતો સાંભળી તે તરફ નજર જાય છે. પણ ક્યારેય શ્રીપાલના અંતરગુણો, ગુણસંપત્તિ, આત્મવૈભવ, આરાધકભાવ, ઉપકારવૃત્તિ, નિર્દોષપણું, અનાસક્ત ભાવ, ધ્યાન, સાધના આ બધું જોવાની દ્રષ્ટિ આપણી ખૂલી છે કે નહીં ?
શ્રીપાલ આપણને સંદેશો આપે છે કે – – પ્રભુ મલ્યા છે તો નિર્ભય બનો. – પ્રભુ પ્રત્યે શ્રદ્ધા રાખો. – અનાસક્ત ભાવ કેળવો. - નિવૃત્ત બની પ્રભુમાં પ્રવૃત્ત બનો. - આરાધના ભાવપૂર્ણ અને પરિવાર સાથે કરો.
શ્રીપાલની જેમ અંતરવૈભવ ગુણવૈભવમાં રમણતા કરો.
ఉండలు ముడుపులు
