________________
ધવલને ક્યાં સમજાય છે.
જીવનમાં ક્યાંય કોઈનું બગાડવાની ઈચ્છા થાય તો ચોક્કસ એટલું વિચારજો કે. એનું પુણ્ય છે, ત્યાં સુધી હું કાંઈ જ કરી શકવાનો નથી, માત્ર નિષ્ફળતા જોઈને પરેશાન થવાનું છે, અને તે પ્રકૃતિ-વિચારોથી ભયંકર કર્મબંધ કરી દુર્ગતિ અને દુઃખોને ઉભા કરવાના છે. બીજાનું બગાડવા જતાં સામેનાનું બગડે કે ન બગડે, પરંતુ આપણું જ બગડી જાય છે. અવશ્ય નુકશાન આપણને થાય છે. ક્યારેય કોઈનું ખરાબ કરવાનો વિચાર પણ ન કરવો. દરેક વ્યક્તિ પોતાના પુણ્યને અનુસાર મેળવે છે, આગળ વધે છે. આ વિચારધારાથી જીવનની ઘણી સમસ્યાઓ શમી જાય છે.
ધવલને આ સમજણ આવી નથી. પરિણામે, શ્રીપાલની પાછળ પડ્યો છે. ખુલ્લી કટારી લઈ સીડી પર ચડી રહ્યો છે, અને અચાનક દુષ્ટ વિચારોમાં પગથિયું ચૂકે છે, નીચે પડે છે, પોતાના હાથમાં રહેલી ખુલ્લી કટારી, પોતાના જ પેટના મર્મભાગમાં ઘુસી જાય છે અને મૃત્યુ થાય છે... મરીને સાતમી નરકમાં જાય છે. અહીંના અત્યંત ધનવાન શ્રેષ્ઠી, બુદ્ધિશાળી, સફળ વ્યાપારીને સાતમી નારકીના ભયંકર દુઃખો ભોગવવા પડે છે. કોણ છોડાવવા જશે તેને? - સાતમી નારકીમાં રહેલો ધવલનો જીવ.... ત્યાંથી પોકારી પોકારી કહે છે, છેલ્લા સમય સુધી નહીં જાગો... ઇર્ષ્યા, આસક્તિ, પડાવી લેવાની વૃત્તિ, ભેગું કરું, ભેગું કરુંના ભાવોને નહીં છોડો... તો મારી જેમ દુર્ગતિના દ્વારા તૈયાર છે... જાગી જાવ નહીં તો મરી જશો..
આ ધવલનો સંદેશો... આપણને સંભળાય છે કે નહીં? શું બનવું છે, તે આપણે નક્કી કરવાનું છે... જન્મજાત ગુણીયલ હો તો.... શ્રીપાલ દોષો ટાળી જાગી જાવ તો.... અજિતસેન દોષો લઈને મરો તો.... ધવલ.
શ્રીપાલ કદાચ ન બની શકીએ તો, કમસે કમ અજિતસેન બની જવાય તો પણ સદ્ગતિ થઈ શકે. આત્મકલ્યાણના દ્વાર ખોલી શકાય છે....
Corporator రుడు బలులు
సుడులు తుపై
