________________
નથી. પોતાનો પૂર્વકાળ (રાજા કે રાજકુમાર અવસ્થા) પ્રદર્શિત કરી ક્યાંય યાચના કરી નથી. ભૂતકાળની પરિસ્થિતિ કે ભાવિના સ્વપ્નો કોઈની સામે ક્યારેય કહ્યાં નથી. ઉંબર કહે છે ભૂત-ભાવિને છોડી વર્તમાનમાં જીવતાં શીખો. ભૂતકાળને યાદ કરશો તો દુઃખી થવાશે. ભાવિના સપનામાં વર્તમાનકાળ ગુમાવશો. વર્તમાન સ્થિતિને આનંદથી વધાવી લેવાનું ઉંબર શીખવે છે. આરાધક આત્મા વર્તમાનમાં જ જીવતો હોય છે, માટે જ સાધુ ભગવંતો ‘વર્તમાન જોગ” શબ્દ વાપરે છે.
જે સ્થિતિ આવે તે સ્વીકારી લો.
શ્રીપાળ જન્મજાત રાજબીજ છે, સૌંદર્યવાન રાજકુમાર છે. બે વર્ષની ઉમરે રાજ્યાભિષેક થઈ ગયો છે, ચારે બાજુ ખમ્મા... ખમ્મા.. થઈ રહી છે, દુ:ખ કોને કહેવાય તે ખબર નથી, પુણ્ય કર્મની પ્રચુરતાના કારણે સત્તા, સંપત્તિ, વૈભવ, બધુંજ મળ્યું છે. પરંતુ કર્મો કરવટ બદલી અને.... એકજ પળમાં-રાતમાં બધું જ છોડવું પડ્યું.
વર્તમાન જોગ શબ્દ સાધુભગવંતોના મોઢે રોજ સાંભળીએ જ છીએ. ગોચરીની વિનંતી કરી કે સાધુ-સાધ્વી વર્તમાન જોગ શબ્દ બોલે... વર્તમાન જોગ એટલે શું? આ શબ્દ આપણો પારિભાષિક શબ્દ છે.
ગોચરીની વિનંતી બાદ ગુરૂમુખે સંભળાતા વર્તમાન જોગ શબ્દથી કદાચ તમે એવું સમજતા હશો કે ગુરુમહારાજને ખપ હશે તો આવશે. જરૂર હશે તો પધારશે. પણ ના, આવો કોઈ અર્થ થતો નથી. તમે ગોચરી-આહાર સંબંધી વાત કરો છો જ્યારે ગુરુદેવ ગોચરીની વાત છોડી બીજી જ વાત કરી રહ્યા છે. ગોચરી માટે આવીશું-નહી આવીએ. જરૂર છે-જરૂર નથી આવી કોઈ વાત ન કરતાં માત્ર એટલું જ કહે છે વર્તમાન જોગ..
જોગ યોગ એટલે કે મન-વચન-કાયા અર્થાત્ અમારા મન-વચન-કાયાના યોગો હંમેશા વર્તમાનમાં પ્રવર્તતા હોય છે. આટલી વાત જણાવે છે. પોતાની જીવન પદ્ધતિ વર્તમાનમાં રહેવાની છે. ભૂતકાળને વાગોળવો નહી ભવિષ્યકાળના સપના કરવા નહી. બન્ને કાળ-સમય આપણા હાથમાં નથી, વર્તમાન સમય આપણા હાથમાં છે તેને સાધી લેવું તેજ જીવનની સફળતા છે. વર્તમાન કાળ (સમય) હાથમાંથી ચાલ્યો જાય તો તે પાછો આવતો નથી. તે ઉપદેશ ગુરુદેવો આપણી વિનંતીના જવાબમાં જણાવે છે...
ఉండడు ముడుపులు
