Book Title: Paumappahasami Cariyam
Author(s): Devsuri, Rupendrakumar Pagariya
Publisher: L D Indology Ahmedabad
View full book text
________________
रयणसारकहा
३७०
सुद्धंत- पुरोहिय-सत्थवाह-सामंतमंति-पमुहेहिं ।। जुत्तो कमसो पत्तो तत्थ निवो थेव दिवसेहिं ।। १९९१ ।। महि-मिलिय-मउलिकमलो, तेहि सव्वेहि पणमिओ राया ॥ कुमरं नरं निरुविय मन्नइ सकयत्थमप्पाणं ।। १९९२ ।। तह कुसुमसुंदरी वि हु सव्वेहिं तेहिं पणमिया तत्तो।। परिरंभइ धूयाओ सिरम्मि परिचुंबए हिट्ठा ।। १९९३ ॥ कित्तियमित्ते काले वकंते वंछियत्थकप्पतरूं ।। सिरिरिसहेसरनाहं नमित्तु संसारसंहरणं ।। १९९४ ।। चक्केसरिनियकन्ना कुमारवरकीरचंदचूडेहिं ।। अन्नेहि वि परियरिओ राया चलिओ पुराभिमुहं ।। १९९५ ।। सो कमसो बलसमुदय-नामिय सेसो जलासयसमूहं ।। सोसंतो संपत्तो, नियनयरासन्नउज्जाणे ॥ १९९६ ।। एसो नूणमणंगो रइ-पीइ-समाहिं दोही तरुणीहिं ।। लक्खिज्जइ त्ति नयरी लोएण पसंसिओ कुमरो ।। १९९७ ॥ पुररमणि-नयण-कुवलयमाला-निववेहिं अंचिओ रण्णो ॥ नयरे महुसव्वेहिं पवेसिओ नियपिया जुत्तो ।। १९९८ ।। सा चक्केसरिदेवी, तेण समं चंदचूडतियसेण ।। कुमरि अणुनवित्ता, संपत्ता निययठाणम्मि ।। १९९९ ।। कणयमयपंजरगओ कीरो उण मुणिय सत्थपरमत्थो ।। कुमरमणविणोयत्थं, कहेइ अक्खाइया निवहं ।। २००० ।। मणवंछियभोग-सुहं अणुहवमाणस्स तस्स कुमरस्स ।। वरिसम्मि वइक्कंते संजायं तयं सुणसु ।। २००१ ॥ जाए निसिहसमए, अमुद्द-निद्देसु जामइल्लेसु ।। निहुयम्मि पुरी लोए, उवसंते बहलहलबोले ॥ २००२ ।। घणतमतमाल-काणण-सम-तिमिरभरेण सयलभुवणम्मि । गसियम्मि दिसिविभाए, सव्वत्थपणट्ठसब्भावे ॥ २००३ ॥
Jain Education International 2010_04
For Private & Personal Use Only
www.jainelibrary.org
Page Navigation
1 ... 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 505 506 507 508 509 510 511 512 513 514 515 516 517 518 519 520 521 522 523 524 525 526 527 528 529 530