Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 494

कुरुचंद्रकहा
४६५
उद्दामकामकेसरिवणं इमो जोवणं पत्तो ।। ९८१ ।। एत्तो य दविडदेसे कंचणपुरपट्टणम्मि नरवइणो ।। विक्कमधणस्स धूया,विज्जइ गंधव्वसेण त्ति ।। ९८२ ।। सा गीयकलाकुसला, इमं पइन्नं करेइ जइ को वि ।। वीणाए मं जिणित्ता, परिणिस्सइ नन्नहा कह वि ॥ ९८३ ।। विक्कमधणेण रन्ना, नरिंदपुत्ता कमेण आहविया ।। वीणं वायंतीए, तीए सव्वे वि ते विजया ।। ९८४ ।। एयं दूयमुहेणं, सो कुमरो अन्नया सुणेऊणं ।। रायं अणुनवित्ता, वच्चइ कंचणपुरे नयरे ।। ९८५ ॥ पच्चोणीए विक्कमधणो वि सयमेव तस्स नीहरिओ ।। वच्चंतु जत्थ तत्थ व, गुणेहि गरुया महिज्जंति ॥ ९८६ ।। दिन्ने तस्सावासे, अणेयसामंतमंतिपच्चक्खं ।। दिवसंतरम्मि जाओ वाओ गंधव्वसेणाए ।। ९८७ ।। सत्त सरेहि सणाहं, वीणं वाइत्तु रायकनाए । कवलो मुहेण पत्तो, गएण मिल्हाविओ तीए ।। ९८८ ।। अह सो कुमरो जंपइ, इत्तो वि हु हवइ मच्छरियं ।। इय भणिय तह वि पंचीवि पंचिया तेण कुमरेण ॥ ९८९ ।। जह सा कन्ना हत्थी, जणो वि निद्दाइ असेसो वि ।। अह सो आभरणगणं, हरित्तु तेसिं कुणइ निचयं ।। ९९० ॥ निद्दा विगमे कन्ना, हरिसविसाए मणम्मि समकालं ।।. उव्वहमाणा कंठे वरमालं खिवइ कुमरस्स ।। ९९१ ।। हरिचंदअमच्चेहिं, विक्कमसेणेण तह य दुण्हं पि ।।। तेसिं वीवाहमहो, विहिणा विहिओ विभूईए ॥ ९९२ ॥ विहिए दसाहियमहे, चलिओ गहिऊण रायवरकन्नं ।। कमसो य पइट्ठाणं, पट्टणमेसो समणुपत्तो ।। ९९३ ॥ आरामे चिटुंतो, नीहरमाणं निइत्तु सो मडयं ।।