Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 520

४९१
सीहकुमारकहा
नयरम्मि तम्मि सीहो, पवेसिओ गरुयरिद्धीए ॥ १३०५ ।। सीहासणे निविटुं, नमंति तं नेवरायवरपत्ता ।। जंपंति कहं महिसी, गणसामी अम्ह नमणिज्जो ।। १३०६ ।। आगंतूण सहाए, समाणसीहासणेसु निवसंति ।। ते दटुं अनमंते, अहसो रुट्ठो पयंपेइ ।। १३०७ ।। इह अत्थि को वि जो धुवमिमे समुट्ठित्तु बंधए सहसा ।। सोऊण तस्स वयणं, हसंति सव्वे वि सामंता ।। १३०८ ।। अत्थाणदारदेसे, दारुमया तस्स पुनमहिमाए ।। तोरविया पडिहारा, उद्विय बंधंति निवनिवहं ॥ १३०९ ॥ भीया भणंति सव्वे, सीहमहाराय ! सरणमल्लीणा ।। तुह चेव देव तत्तो, मोयावसु हवसु सपसाओ ।। १३१० ।। तव्वयणेणं सहसा, मुयंति सव्वे वि दारुपडिहारा॥ आणा करेहि सव्वो, नराण संपुनपुन्नाणं ।। १३११ ।। अह सव्वे सामंता, मंतित्ता तस्स नेय परिसाए ।। आगच्छंति विमूढा, संगहिया अभिनिवेसेण ।। १३१२ ।। चिट्ठइ सहाए एको, सीहो सीहासणम्मि उवविट्ठो॥ पेसिय परिसं तेणं, सुबंधुसेट्ठी समाहविओ ॥ १३१३ ॥ सो चिंतइ तुच्छमई मह दासो एस मज्झ वरभत्ति।।। अहिलसइ तओ खेडु, कायव्वं इह पुरे सयले ।। १३१४ ।। इय चिंतिय वंसेसुं, पाणाहिया कंबलाइ बंधित्ता ।। ठावित्तु सीहदारे, वच्चइ गेहम्मि दुट्ठप्पा ॥ १३१५ ।। पुरिसेण तेण कहिए, सीहो गंतूण निययपासाए ।। सेज्जाइ गओ चिंतइ, धिरत्थु रज्जं इमं मज्झ ।। १३१६ ॥ रज्जेण वि किं तेणं, जत्थ पइट्ठा न विज्जए कावि ।। गोचत्तं पि कयत्थं, तं जत्थ पराभवो नत्थि ।। १३१७ ।। अह जक्खो पच्चक्खो, जंपइ हे सीह ! कुणसु मा खेयं ॥