Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 526

४९७
जिणनिव्वाणवण्णणं
एयासि पसाहोणं, को जाणइ सव्व नामाणि ॥ १३८२ ।। विज्जाहरसाहाए, गच्छा गुच्छ व्व सुमणमणहरणा ।। जालिहरकासहरया, मुणिमहुयरपरिगया दोन्नि ।। १३८३ ।। सिरि जालिहरो गच्छो, विजयउ गयणं व जत्थ मुणिनाहा ।। अहमहमिगाए बहवे, पियंति सिद्धंतसिरिनाहं ।। १३८४ ।। तत्थ य :जाओ तारइ राइरेहिरतले, गच्छम्मि वोमंगणे, धम्मज्झाणमणीनिहाणकलसो सोबालचंदो मुणी॥ अप्पं कम्ममलीमसं पडिदिणं सोहंतओ जो सया, अटूटेहिं उवासएहिं अमलं तेवे तवं दुत्तवं ॥ १३८५ ।। सीसा तस्स जयंतु सक्कसरिसा मोहं महापव्वयं, तिक्खेणं चरणेण थोरपविणा चुण्णं कुणंता सया।। लोयाणं गुणभद्दसूरिगुरुणो सारस्सयं सव्वया, जच्छंतो अमयं सुहम्मनिरया चित्तं खमाए ठिया ।। १३८६ ॥ तेसिं पट्टिपयोनिहिम्मि कमला बंधूमणी निम्मलो, सव्वाणंदगुरुअसेसजगई जंघालकित्तीभरो ।। जं काउं हियएक्कलद्धवसहिं संतो समंतासिरी, पब्भारं पुरिसोत्तमत्तमहुणा के के न पत्ता सया ॥ १३८७ ।। वयणाउ जस्स निग्गयमणेयविबुहाण विहियमणि हरिसं ।। अमयं व सायराओ, चरियं सिरिपाससामिस्स ।। १३८८ ।। सिरिधम्मघोसपहुणो, अकलंकमयंकसरिसमाहप्पा ।।। सीसा तस्स अदोसा, कोसा नाणाइ रयणाणं ।। १३८९ ।। रेणुक्करेणु ण्हाया, जलंजलि जत्थ देंति दुक्खाणं ॥ तं ताण चरणकमलं, अउव्व तित्थं सया सरिसो ॥ १३९० ।। तप्पय पयट्ठिएहिं, कइहिं सिरिदेवसूरिनामेहिं । पउमप्पहस्स पहुणो चरियं रइयं कयच्छरियं ।। १३९१ ।।