Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 521

४९२
सिरिपउमप्पहसामिचरियं
लिप्पमयं वरकरिणं, कारेसु कुलालनिवहेण ॥ १३१८ ॥ सो हत्थी अविहत्थो, तुमम्मि आराहयम्मि आरूढो ।। होही मत्तो हणिही, सव्वे वि हु दुट्ठसामंते ॥ १३१९ ।। इय भणिय गए जक्खे, कुलालमाहवित्तु सो करिणं ।। कारइ तह जाणावइ, पडहेण पुरम्मि सव्वत्थ ॥ १३२० ।। जह करिही लिप्पकर, आरूढो रायवाडियं राया। सोऊण इमं सहसा, हसंति सव्वे वि सामंता ।। १३२१ ॥ जंपंति य अन्नोन्नं, इमेण चरिएण सो य गोवालो।। सच्चं चिय तो सहसा, हणियव्वो सिंधुरारूढो ।। १३२२ ।। इय चिंतिय सव्वे वि हु, मिलिया नयरी जणेण सामंता ॥ सिंगारिय तं करिणं, सो निस्संको समारूढो ।। १३२३ ।। गहिऊण अंकुसं तं, करिणं तोरवइ नयरमज्झम्मि ।। सो जक्खपभावेणं, जाओ एरावणसमाणो ।। १३२४ ।। गंधेण तस्स करिणो, अवरे चिटुंति नेव पुरमज्झे । रंगंता वि तुरंगा, दुट्ठण इमं पलायंति ॥ १३२५ ।। गलगज्जिरावतासिय, दिसागइंदो य दुट्ठसामंते ।। सो निहणइ दिव्वकरी सुंडादंडाइघाएण ।। १३२६ ।। अह के वि हु सामंता वयंति हे सीह ! तुह वयं पणया ।। रक्खसु तत्तो वारइ, सीहनिवो अंकुसे तेणं ।। १३२७ ॥ धणनिवहं वियरंतो स-मंति-सामंत-निवहपरियरिओ ।। गंतूण रिसहनाहं, सो पणमइ गरुयरिद्धीए ।। १३२८ ।। नियपासायं पत्तो, सो बंधुर-बंधुराउ उत्तरिओ ।। अह सो पुणरवि हत्थी, लिप्पमओ चेव संजाओ।। १३२९ ।। आहविय जणसमक्खं, सुबंधुसि४ि भणेइ गयमेयं ।। आरुहिय भमसु नयरे, अहवा छोडसु निए वंसे ।। १३३० ।। सेट्ठी विलक्खचित्तो, वंसे अवणेत्तु झत्ति तं नमइ ।।