Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 499

४७०
सिरिपउमप्पहसामिचरियं इच्चाइ धम्मदेसणमिमस्स मुणिणो सुणित्तु सो कुमरो । गेण्हइ गिहिव्वयाई, विसेसओ पोसहप्पडिमं ॥ १०४६ ।। अलिउल कुवलय-कज्जल-तमाल-सामलेण गयणेण ॥ उप्पइए मुणिनाहे, सो गिण्हइ पोसहं पव्वे ।। १०४७ ।। तं वयइ सुरो एगो, मिच्छदिट्ठी हवित्तु पच्चक्खो ।। मुंचसु एयं पडिमं, अन्नह निहणेमि निभंतं ॥ १०४८ ।। इय जंपिय सो तियसो, सिहिगल-गवलालि-सामलच्छायं ।। गज्जिर-घण-संघायं, दिसि-दिसि विउरुव्वए सहसा ।। १०४९ ।। दिसि दिसि तह निवडते, खडक्खडाराव-भरियनह-विवरे ।। उदंड-विज्जूदंडे, पयंडकोवे विउव्वेइ ।। १०५० ।। कंपति गुरुगिरिंदा, निग्घायरवेहि तेहि भीमेहिं ॥ . मणयं पि मणं तस्स य, न कंपए झाणमल्लीणं ।। १०५१ ।। अन्ने वि सीहपमुहे, भयंकरे निम्मवित्तु उवसग्गे । परिसंतो उवसंतो, खमावए सो इमं कुमरं ।। १०५२ ॥ मोणम्मि ठिए कुमरे, मणिकंचण-पमुह-वत्थुवित्थारं ।। तस्संगणप्पएसे, वरिसत्तु गओ नियं ठाणं ॥ १०५३ ।। एसो पोसहपडिमं, पभायसमयम्मि पारए कुमरो॥ विहवेण तेण रम्मं, कारावइ चेइयं सहसा ।। १०५४ ।। नियजणयपसाएणं, पाविय रज्जं बहूणि वरिसाणि ।। पालिय पत्तो सग्गं, पियाहिं जुत्तोपवग्गं च ।। १०५५ ।। जह पोसहवयमेयं, पालियमवणीसरेणमकलकं ॥ कुरुचंदेणं सम्म, पालेयव्वं तहन्नेहिं ।। १०५६ ।। इति पौषधव्रते कुरुचन्द्रकथा समाप्ता ।। गा. ७०८६ ॥ अतिहि संविभागवए धनसेन कहा : पोसह पारणसमयाणंतरमहवा वि सव्वया चेव ॥ अतिहीण संविभायं, काउं भुंजंति इह धन्ना ॥ १०५७ ॥