Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 512

४८३
धनसेनकहा
सा आह मह इमाए, ठिईए पज्जत्तमाजम्मं ।। १२०९ ।। करिहामि पुणो भोयणं मं वा जइ मह करिस्सए भणियं ।। झाएमि पुणो निच्चं, एयं छेयाण सुपसिद्धं ॥ १२१० ।। जीवन्त्यामपि यद्युपैति दयितो, मन्ये कलङ्कस्तदा, तस्मिन् स्निग्धजने वियोगिनि कथं, प्राणानिदध्यामहं ॥ मृत्युश्चेन्नहि तत्समागमसुखं तस्यापि मृत्युर्बुवं, कष्टं तद्विरहो विकल्पबहुलं दोलायते मे मनः ॥ १२११ ॥ तं सोऊण सहीहिं, चिंतियमेसा न होइ खलु वेसा ॥ नवरं पइव्वयाण वि जयम्मि पढम उदाहरणं ॥ १२१२ ।। ता एत्थ पत्तयालं, एयं चिय जं भणेइ धुवमेसा ।।। तं चेव विहेयव्वं, इय चितिय ताउ जंपति ।। १२१३ ॥ पियसहि ! अणंगसेणे, निय मणदोलावणेण पज्जंतं ॥ संपइ पइव्वया वयमणुचिट्ठसु नियमणोऽभिमयं ।। १२१४ ॥ अंबाए भलिस्सामो, अम्हि च्चिय तो अणंगसेणाए । भोयणपमुहं विहियं, सहीहि जणणीए से कहियं ।। १२१५ ।। नन्नागइ त्ति चिंतिय, सव्वं लीलावईए पडिवनं ॥ तत्तो अणंगसेणा, सिरिया देवी गिहे जाइ ।। १२१६ ।। अइघोरतरनिरंतरगलंतनयणंसुबिंदु-संदोहं ।। वरिसंती चलणेसुं, निवडइ नीययाए सासूए । १२१७ ।। विनवइ अंब! जइ तुह नाहं जोग्गा तहा वि आसाए । तुह पासे चिट्ठिस्सं, जा मह नाहो इहं एही ।। १२१८ ।। मह भवणं मह विहवो, मह परिवारो तहेव मह जीयं ।। धणसेण जणणि-सामिणि, सव्वं चिय तुज्झ आयत्तं ॥ १२१९ ।। सिरियादेवी चिंतइ, वेसा अच्छरियकारिणी एसा॥ धनो च्चिय मह पुत्तो, संबंधो जस्स एयाए ॥ १२२० ॥ धुवमेयं पिच्छंती, पिच्छामि नियं च नंदणं तह य ॥