Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 505

४७६ .
सिरिपउमप्पहसामिचरियं
तो आणह धणसेणं, तरुणीमणकुमुयवणचंदं ॥ १११९ ॥ लीलावईए अह सो दासी निवहेहिं मित्तनिवहेहिं ।। अब्भत्थिओ वि गेहे न वि पविसइ वारविलयाणं ।। ११२० ॥ तीए अवरुद्धेहिं, इमस्स मित्तेहिं विहियसंकेया ।। पेरंति अन्नदियहे, निसाइणो गयजुयं जुगवं ।। ११२१ ।। संकडवडिओ एसो, सहसा मित्तेहिं तयणु नासविओ ।। लीलावईए गेहे, किमसज्झं सुहुमबुद्धीण ॥ ११२२ ।। पविसंतेणं तेणं, महरिहवररयणसयणमारूढा ।। कसदिन्नकणयवन्ना, तरंगतरलच्छिविच्छोहा ।। ११२३ ।। नियरूवहसियरंभा, तिहुयणमणहरणजोव्वणारंभा।। चलिरकरकणिरकंकणविरावकयतरुणरणरणया ॥ ११२४ ।। आसन्नसहि पणामिय सज्जो भज्जंतवीडिया निवहा ।। छेयतरतरुणिताडियवीणारवदत्तनिय सवणा ॥ ११२५ ।। दिट्टा अणंगसेणा, अणंगवीरस्स भुवणविजयाय ।। गुरुसिहिणगुड्डरिल्ला अणंगसेण व्व पच्चक्खा ।। ११२६ ॥ एसा उब्भड-वेसा, वेसा विहरेइ जं मणो मज्झ ।। तो जम्मंतरदइया इम त्ति एसो विचितेइ ॥ ११२७ ।। सो च्चिय मह मणचोरो, इमो त्ति अब्भुट्ठिऊण सो तीए ।। सप्पणयं सयणिज्जे, नियम्मि उववेसिओ सहसा ।। ११२८ ।। अन्नोन्ने दिदिमिलणे, पढमे च्चिय तेहिं जं सुहं पत्तं ।। तं नेव जुगसएहिं वि लहंति अवराणि मिहुणाणि ।। ११२९ ॥ निय कयकज्जपसाहणछउमं उब्भाविऊण अह तेसिं ॥ सव्वो वि परिवारो निग्गच्छइ वासभवणाओ ॥ ११३० ॥ तह सुरयसुहं ताणं, जायं दोन्ह वि समाणपेम्माणं ।। जह एक्कनिमेसं पिव गलिया सा जामिणि सव्वा ॥ ११३१ ।। तं दिणमारंभित्ता, तिस्सा भवणाउ पेम्मपेरंतो ।।