Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 502

धनसेनकहा
४७३
गहिऊण पत्त पमुहं, गामाभिमुहो इमो चलिओ ।। १०८१ ।। अह चित्तेइ सुमित्तो,पिच्छ इहो मज्झ भागधेयाणि ॥ देयाणि महामुणिणो, इमाणि वत्थूणि जं एत्थ ।। १०८२ ।। इय चिंतिय मुणिनाहं, आमंतइ अन्नपाणविवहेण ।। उल्लसियमणो वियसियनयणो बहुभत्ति संजुत्तो ॥ १०८३ ।। मुणिणा धरिए पत्ते, अद्धं अन्नस्स तेण से दिन्नं ।। दूरे गामो त्ति मणे, चिंतिय अद्धं पुणो धरियं ॥ १०८४ ।। पुणरवि इमेण चिंतियमिमेण दाणेण हंत नो मज्झ ।। न वि मुणिणो पडिपुन्ना, तित्ती तो देमि सव्वं पि ।। १०८५ ।। इय उल्लसियमणेणं, तं पि हु अन्नं इमेण पच्छद्धं ।। खंडियमणेण खंडं, पुन्नं पि हु अज्जियं तत्तो ।। १०८६ ।। निय गेहे संपत्तो, दाणपभावेण तेण सो कमसो ॥ पावइ विहवं अहवा, इहावि धम्मो धुवं सहलो ।। १०८७ ।। इत्तो य तत्थ गामे, वरमुणिणा भुवणमित्त नामेण ।। अप्पसमक्खं गहिओ, अभिग्गहो एरिसो आसी ॥ १०८८ ।। मंडयमेत्तं दव्वं, इह गामे दिवसपच्छिमे जामे ।। पुरिसो धूलीधूसरगत्तो अइदूरदेसाउ ॥ १०८९ ।। पत्तो तुरंगजुयलं, आरूढो पाणिकमलजुयलेण ।। जइ दाही पारणयं, तो होही नत्रहा मज्झ ।। १०९० ।। सो वि सुमित्तो पुव्वं , केण वि कज्जेण अन्नगामम्मि ।। संपत्तो आसि पुणो, नियत्तिओ सत्तमे मासे ॥ १०९१ ॥ अह से मित्तस्स गिहे, वीवाहो तेण तस्स गेहाओ ।। आसणनिवहो सव्वो, थालसमूहो व्व संगहिओ ।। १०९२ ।। भज्जा वि तस्स गेहे, भोयणकज्जेण आसि संपत्ता ।। सो पत्तो निय गेहं, तं जाणइ वइयरं सव्वं ।। १०९३ ॥ अइछुहिओ दिणपच्छिमजामे आसणसमूहमन्नं सो ।
___Jain Education International 2010_04