Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 448

वाचालकहा
४१९
मह हवउ सक्करिद्धी खेयररिद्धी च चक्करिद्धी वा ॥ अरिणो मरंतु इय न वि झाएज्ज परं मुहुत्ताओ ।। ३९७ ।। धणदाणेणं गीयं, नटुं वज्जे विणा विवाहाई ॥ हुडकुकुडाइभेडण-दोला-जल-केलि-जूयाइं ।। ३९८ ।। पहपरिसमरोयाई, मुत्तुं न मुएज्ज सयलरयणि पि । वेरिसुएणं वेरि-विकह-चउक्कं पबंधेणं ।। ३९९ ।। असणं खाइम-साइम-पाणं हासं विलास-निट्ठणं ।। निबं कलहं विकहं, वज्जे जिणभवणमज्झम्मि ।। ४०० ।। उवभोगस्सइरेगो, मीलिय अहिगरणधारणं चेव ।। कंदप्पो कुक्कुइयं मोहरियं चयसु अइयारे ॥ ४०१ ॥ जेऽणत्थदंडवसगा, तेसिमणत्था हवंति इहलोए ।। निरयगई परलोए, वायालो एत्थ दिटुंतो ।। ४०२ ।। तथाहि :मरगय-मणिमय तोरण-रणंत-मणि-किंकिणिहिं वायाला ॥ फालिहसाल-विसाला, तोरणमाला पुरी अस्थि ॥ ४०३ ॥ नूणमिमीए पुरीए, विहारदंडे रवी वि अफ्फलिओ ।। कह मनह चरइ सया, जामो तूरअयलजुयलेण ॥ ४०४ ।। दुद्धर-पयावसाहियरिउचक्को रूवनिज्जियाणंगो।। राया अणंगसेणो, तत्थ पुरे पालए रज्जं ।। ४०५ ।। चइऊण पुक्खरवणं, जस्स य करवाल-पुक्खरवणम्मि ॥ नव-नव-निवास-लीला-दुल्ललिया निवसए लच्छी ॥ ४०६ ।। सयल-दिसि-विजय-जत्ता, निमित्तमेसो अमित्त-मण-कंपं ।। कव्वंतो संचलिओ, सामंत-सहस-परियरिओ ॥ ४०७ ।। पडिवक्ख-लक्ख-विजयं, कुणमाणो सो कमेण संपत्तो ।। अट्ठावयम्मि सेले रिसहेसरपायसुपवित्तो ।। ४०८ ।। कुसुमियवणववएसा, एसो सयपत्त-रिसह-पय-कमलो ॥