Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 464

चंद्रलेहाकहा
४३५
तह नियसेज्जं तूलिं वाहेयव्वो य नियय सत्तीए । अन्नह तुमए अहयं, मुयाण मज्झे गणेयव्वा ॥ ५९९ ।। तव्वयणरत्तनेत्तेण, जइ वि सोहग्गसुंदरी बाला ।। दोहिग्गिणीस मज्झे, तो खित्ता तक्खणा चेव ।। ६०० ।। तित्थंकरपडिमाणं, अट्ठ पयारं विसिट्ठवरपूयं ।। तिक्कालं कुणइ इमा तिहा विसुद्धेण भावेण ।। ६०१ ।। सोहग्गकप्परुक्खो, कल्लाणतवो य सव्व संपत्ती ।। निरुजसिहो जव-मज्झो, एमाइ तवो तवइ बाला ।। ६०२ ।। आपुच्छिय नरनाहं, उज्जमणदिणम्मि जणयपासाए ।। पत्ता तवतणुयंगी तुसारभरदड्डनलिणि व्व ।। ६०३ ।। अंके कलिऊण तयं, विलवइ सेट्ठी सगग्गयगिराहिं ।। हा वच्छे ! किह तुमए, दूसहदहणस्स अप्पिओ अप्पा ।। ६०४ ॥ अहयं वीवाहमहं, सहि महिवइणा करेमि न हु कह वि ।। किं पुण हयास-विहिणो, न सक्किमो कह वि पहवेउं ।। ६०५ ।। पडिसिद्ध-सिट्ठवयणा, उज्जमणं करावेइ सा विहिणा ।। सव्वाणं पि तवाणं जिणं च संघं च पूयंती ।। ६०६ ।। सेट्ठी तं परिणयणं, मनंतो सल्लतुल्लमह तीए ।। किं ताय ! कायरधुरा, धुरंधरोसि त्ति सिक्खविओ ॥ ६०७ ॥ पुरिसो पराभवतलं, सिंचइ नयणं सुसलिलधाराहिं ।। तं चेव दहइ सयलं, तेण हुयासेण सहस त्ति ।। ६०८ ।। ववसायवायसहिओ ते हुयासो परूढगाढं पि।। दहइ पराभवकाणणमसंसयं झत्ति वित्थरिओ॥ ६०९ ।। तायविसायपिसायं, चयसु तओ कन्नयाण पन्नासं ।। सयलकला कलियाणं, अप्पसु खिप्पं सुरूवाणं ।। ६१० ॥ निय भवणाउ एगं, सुरंगयं मज्झ भवणपज्जतं ।। दुइयं दुवारवासिणि देवी मणहरणभवणाओ ॥ ६११ ।।