Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 472

चंद्रलेहाकहा
इय जोइणीए भणिउ, राया तप्पासमल्लीणो ।। ७०१ ।। सकयत्थं पिव अन्नं, मन्नतो गिण्हिऊण तं थालं ।। दिनासणो तहिं चिय, उवविठ्ठो जिमइ रंको व्व ।। ७०२ ।। कन्नाउ ताउ अन्नं मणुनमनं पुणो वि से दिति ।। काओ वि तस्स मज्झे जोइणिवयणेण भुंजंति ।। ७०३ ।। कप्पूर-पूरमीसो, तंबोलो तस्स दाविओ तयणु ।। भणिओ य जोइणीए, उट्ठसु पिच्छेसु मणिभवणं ।। ७०४ ॥ तो ताहि कन्नयाहिं, हासिज्जंतो वियट्टभणिईहिं ।। मणिभवणं पिच्छंतो, तं दियहं गमइ नरनाहो ।। ७०५ ॥ पत्ते पओससमए, वित्ते पिच्छणय-पमुहवावारे ।। करकलियंजलिबंधो, नरनाहो भयवइं भणइ ।। ७०६ ।। सच्चं निच्चं पि महं जइ तुट्ठासि कामधेणु व्व ॥ एआण अच्छराणं, तो दावसु कनयं एगं ।। ७०७ ॥ आयरपुव्वं भणिओ, जो परकज्जं न साहए पुरिसो।। चंचानरसारिच्छो सो गणियव्वो चलंतो वि ।। ७०८ ।। सा भणइ अच्छराणं अच्छेरवसेण मणुयसंबंधो ।। जइ होइ सुरकुमारा, चयंति तो ताहि सह संगं । ७०९ ।। निय सामत्थेण अहं सव्वं तुह वंछियं पि साहेमि ।। किंतु तए आजम्मं, आणा एयाण कायव्वा ।। ७१० ।।
आमं ति तेण भणिए कन्ने होऊण चंदलेहाए ।। तयभिप्पायं कहिउं पभणइ तस्सेव पच्चक्खं ।। ७११ ।। चिरजागरिओ एसो, उवरिमभूमीए लहउ घणनिदं ।। तुज्झ पसाएण तहा, पावउ सुरलोयसेज्जसुहं ।। ७१२ ।। एगा ताण पयंपइ उवरिं न हु अस्थि का वि वरसेज्जा ।। जइ एस सुहं वंछइ उप्पाडइ तो इमं तूलिं ।। ७१३ ।। तव्वयणसवणसमयांणंतरसंगुणियदसगुणुच्छाहो ।।