Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 473

४४४
सिरिपउमप्पहसामिचरियं
तं तूलिं नियसिरसा, उप्पाडित्ता गओ उवरिं ।। ७१४ ।। पुणरवि आगंतूणं, पल्लंकं रयणकिरणदिप्पंतं ।। सो उवरिं गिण्हित्ता अत्थुरइ पसत्थदेसम्मि ।। ७१५ ।। सो जोइणीए भणिओ सुरसुंदरिसामिणिए तं सिज्जं ।। उप्पाडसु एयं पि हु आगच्छइ जेणिमा उवरिं ।। ७१५ ।। स्ना तहेव विहिए, उवरिमभूमीए सा गया बाला ॥ छयवयणेहिं रायं, सरायहियया समालवइ ।। ७१६ ।। नियविनाणपयासण-पुव्वं तह तीए रंजिओ राया ।। जह सो तिलोयमझे, न हु अन्नं मन्नए रमणि ॥ ७१७ ॥ जाए पच्छिमजामे, अच्छीसुं पुण वि बंधिउं पढें ।। सो जोइणीए तीए नीओ तं चेव धवलहरं ।। ७१८ ॥ एवं दियहे दियहे, आगच्छंते निवम्मि सा भणिया ।। वरजोइणीए एसो, सामी दासो तुह च्चेव ।। ७१९ ।। अह सा विहियसमीहियकज्जा सिंगारतारसव्वंगा ।। अंतेउरमज्झगयं रायं पभणेइ अन्न दिणे ।। ७२० ।। जइ पयडियावराहा, अहयं विद्देसगोयरे व चिया ठविया ॥ अंतेउरमेयं पि हु तो किं परिहरसि निद्दोसं ॥ ७२१ ।। अह वाउलाउ एसो सुरसुंदरिललियभोयदुल्ललिओ ॥ अम्हारिसाण नूणं अगोयरे संपयं जाओ ॥ ७२२ ।। वियसियवयणाए निवो सहासवयणं निसामिओ तिस्सा ।। दिव्वं च देहसोहं, दटुं चिंतेइ किं एयं ।। ७२३ ।। अह तीए इमं भणिओ मणवल्लह ! जोइणीए वयणाओ। जो तुह विणयब्भंसो, विहिओ तं खमसु मह सव्वं ।। ७२४ ।। विम्हयविसायहरिसे, समुव्वहंतेण तेण नरवइणा ।। सा चेव पट्टदेवी, विहिया अंतेउरी मज्झा ।। ७२५ ।। अंतेउरपरियरिओ तीसे धवलहरमज्झमग्गेणं ॥