Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 477

४४८
सिरिपउमप्पहसामिचरिय
संखिप्पइ एवं पि हु वयंति देसावगासिवयं ।। ७६३ ।। दिसिपरिमाणवयस्स य संखेवो अहव सव्व नियमाणं ।। देसावगासियवयं, जेसिं तेसिं सुहं सयलं ॥ ७६४ ।। उवओगो निच्चं पि हु नवनव विरईय पइदिणं चेव ।। चित्तविसोहीपरमागमणागमणाइयपरिहारो ॥ ७६५ ।। कम्मक्खओ य विउलो जइ जिणधम्मस्स तह य अब्भासो॥ देसावगासियगुणा एए सव्वनुपन्नत्ता ॥ ७६६ ॥ सद्दस्स य रूवस्स य अणुवाओ तह य पोग्गलक्खेवो ।। आणवणं पेसवणं, चयसु इमे एत्थ अइयारे ॥ ७६७ ।। देसावगासियवए वसंतकुमरस्स हवइ दिटुंतो ।। तं पि हु संखेवेणं. कहेमि निसुणंतु एगमणा ।। ७६८ ।। हेममयरम्मसालं, हेमविणिम्मियविसालधणिभवणं ॥ हेममयहारिचेइय-निचयं पुरमत्थि हेमपुरं ।। ७६९ ।। जस्स धणिभवणलच्छि, पुलइय लंकाउरी वि संभंता ।। मन्ने लवणजलोयहि जलमज्झे निवडिया सहसा ।। ७७० ।। सलिलनिहिकलमलंतविहियजयकित्तिथंभपब्भारो ॥ नियमहिमविजियराया, राया हेमद्धओ तत्थ ।। ७७१ ।। कलकंठिलद्धकंठी, बिंबोट्ठी कयलीथंभथोरोरू ।। देवी वन्नविणिज्जिय हेमा हेमावली तिस्सा ।। ७७२ ।। ताणमजायसुयाणं, वसंतलच्छीपसायमाहप्पा ।। भुवणमणेसु वसंतो, वसंतकुमारो समुप्पन्नो ॥ ७७३ ।। पच्चक्खवसंतेणं, वसंतकुमरेण तेण तरुणियणो॥ . मयरद्धयसरधोरणिजज्जरदेहो विणिम्मिविओ ।। ७७४ ।। अत्थाणत्थं रायं, पणामपुव्वं कयाइ पडिहारो॥ विनवइ देव ! दारे,चिट्ठइ पुरिसो नवो को वि ॥ ७७५ ।। मुंचसु इमं ति रना भणिए पडिहारसंजुओ सुहडो ।।