Paumappahasami Cariyam

Author(s): Devsuri, Rupendrakumar Pagariya
Publisher: L D Indology Ahmedabad

Page 480

वसंतकुमारकहा
४५१
इय रायप्पमुहाणं, उल्लसिए बहलतुमुल-रवे ।। ८०१ ।। सो मल्लो कालिंदीजल-कज्जल-गवल-सिहिगलच्छायं ।। गयणयलं लंघतो, नयणाणमगोयरं पत्तो ।। ८०२ ।।। हा भुवणनयणकाणणवसंत ! हा संतहियय निवसंतं ॥ नियविक्कमकमलीलानिसंतविलसंतगुणनियर ! ॥ ८०३ ॥ हा वच्छ वच्छ ! कंचणकवाडसमवच्छ ! दच्छकमलच्छ ! ।। असमपरक्कमसाहसनिज्जिय ! सिरिवच्छ कत्थ गओ ।। ८०४ ।। इय विलवंतम्मि निवे पुराणि अंतेउराणि विलवंति ।। तह भवणाणि विणा ण वि दिसा वि पडिसद्दसदाला ।। ८०५ ॥ मंतीहिं महीनाहो, भणिओ भवनाडयम्मि का थिरया ।। पविसिरनिग्गमिराणं, पत्तसरिच्छाण वत्थूणं ॥ ८०६ ॥ खणदिट्ठनट्ठधणसुयधणाइबहुवत्थुबुब्बुयसणाहे ॥ भवसिरिनाहे सोयसि, किं एक्कं वसणसलिलम्मि ।। ८०७ ।। निय पुण्णेहिं एही, पुणरवि कुमरो त्ति सुणिय तव्वयणं ।। मंदायमाणसोओ सपुरी लोओ निवो जाओ ॥ ८०८ ॥ कुमरो वि तेण मल्लेण, दूरगयणंगणम्मि हीरंतो ॥ चिंतए सो को वि हु सुरो व असुरो व्व खयरो वा ॥ ८०९ ॥ ता मुट्ठिपहारेणं कुलिसेण व सेलचूलमेयस्स ।। पावस्स सिरकवालं करेसि सयसिक्करं सहसा ।। ८१० ।। अहवा इमं न जुत्तं पज्जंतं जाव ताव पेक्खेमि ।। किं कुणइ कत्थ मुंचइ, केण व कज्जेण अवहरइ ।। ८११ ॥ नेयं पि जुत्तिजुत्तं, न जाव दूरे नहम्मि वच्चेइ ।। ता हणिय सह इमेणं, निवडिस्सं इह मही-वीढे ।। ८१२ ।। इय चिंतिय हणणत्थं, मुट्ठी उग्गामिया कुमारेण ।। जाव भीएण तत्तो, तेण विमुक्को कुमारो वि ॥ ८१३ ।। दिव्ववसा सरसलिले, वियसिय कमले झड त्ति सो पडिओ ॥