Book Title: Paumappahasami Cariyam
Author(s): Devsuri, Rupendrakumar Pagariya
Publisher: L D Indology Ahmedabad
View full book text
________________
महापउमकुमरकहा
४०९
अहिगय-कला-कलावा, रवन्न-लावन्न-पुनतारुन्ना ॥ पुन्निम-ससंक-मुत्ति व्व लोयसुयणसुहा जाया ।। २६८ ।। मयमहणमह वहत्थं, जं निससि-निसंसकन्नियं बीयं ॥ ता मन्ने सुहजीविरनेहस्स न गोयरे पडिओ ॥ २६९ ॥ घाएण मई सद्देण, तह मओ पेच्छिऊण तह चोज्जं । अवठंभिय कोदंडं, वाहेण विम्हियं जीयं ॥ २७० ।। एयं गाहाजुयलं दिव्ववसा अहव पुन्नमाहप्पा ॥ सुविणंतरम्मि एसा पिच्छइ सिहिपिच्छसमकेसा ।। २७१ ॥ अवगय-निद्दा-मुद्दा, विमुद्द-अरिविंद-चंद-पुन-मुही ।। गाहा जुयलं चित्ते, चिंतंती सरइ निय जाई ।। २७२ ।। नियदइय-हरिणजाणण निमित्तमइ-मित्त-विरहसंतत्ता ॥ भुवणजणचित्तजाणय-चित्ते सा लिहइ निय चरियं ॥ २७३ ॥ हरिणं चिय सुमरंती, पुरिसंतरविहियगरुयविद्देसा ।। समयंतरम्मि एसा, पुट्ठा जणणीए वरकज्जे ॥ २७४ ।। सा आह मज्झ नाहो, हरिणो च्चिय अंब ! पुव्वभवदइओ ॥ तं चिय कत्थ वि जायं, तायं विन विनय जणेसु ।। २७५ ॥ तज्जणणीए राया विनत्तो विविह-देस-निवहेसु ।। लिहिय तच्चरियपट्ठियहत्थे पट्ठवइ नियपुरिसे ॥ २७६ ।। अम्हे पुण तुह नयरे पेसविया कुमर ! तेण नरवइणा ।। इय सोऊणं कुमरो अवराए चित्तपट्टीए ॥ २७७ ॥ साहिन्नाणं सव्वं, हरिणभवं आलिहित्तु सविसेसं ।। अप्पेइ ताण हत्थे, तं चित्तं तहय गाहमिणं ॥ २७८ ॥ सहयारमंजरीए, अमंद-मयरंद-पाणदुल्ललिओ ।। भमरो दुहं वसंतो, वसंतसमयं समीहेइ ।। २७९ ॥ ते वि कुमरेण लंखा, दाउं लक्खाणि कणयरयणाणं ॥ सम्माणिऊण सग्गावयारनयरम्मि पट्टविया ॥ २८० ॥
Jain Education International 2010_04
For Private & Personal Use Only
www.jainelibrary.org
Page Navigation
1 ... 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 505 506 507 508 509 510 511 512 513 514 515 516 517 518 519 520 521 522 523 524 525 526 527 528 529 530