Book Title: Paumappahasami Cariyam
Author(s): Devsuri, Rupendrakumar Pagariya
Publisher: L D Indology Ahmedabad
View full book text
________________
३९६
सिरिपउमप्पहसामिचरियं
सह विलसइ तत्थ इमो, अणंगसेणाए वेसाए ॥ १०३ ।। जंपइ चंपयसामिणि, देवि संभरसु भासियं निययं ।। सव्वं पि मएभिहियं समीहियं किं न विहियंति ।। १०४ ।। अह तस्स धुत्तचिट्ठिय रुट्ठा सा वाणमंतरी सहसा ।। अट्टहासपूरिय नहविवरा जंपए धुत्तं ॥ १०५ ।। रे धुत्त ! नियय धुत्तिमधुत्तिय नीसेस तियसनरविसर ! ।। पाविट्ठ धिट्ठ रे दुट्ठ ! होसि निक्किट्ठ न हु अज्ज ॥ १०६ ।। बहुदेस भमण-विन्नाण-गव्वसव्वस्स पच्चयं तुज्झ ।। चिर संचियं पि अज्जं, न एमि सयसिक्करं एसा ॥ १०७ । तो धुत्तं केसेसुं धरिऊण, पुरस्स मज्झयारम्मि । नेऊण तस्स चरियं साहइ सव्वं पि लोयाणं ।। १०८ ।। अहयं खलु निद्दोसा, एसो पावेउ निययपावफलं । इय भणिय तीए कत्थ वि पक्खित्तो झत्ति सो धुत्तो ।। १०९ ।। नाणाविहदेसाणं, भमणमकारणमणत्थसत्थाणं ।। धुत्तस्स धुवं जायं, निसुयमिणं संखकुमरेण ।। ११० ।। धणदत्तधणि-सुएणं, तत्तो सुरगुरु-गुरूण पयमूले ॥ दिसिपरिमाणं विहियं, दसदिसिमाणेण विच्छिन्नं ॥ १११ ॥ ससि-संख-कुंद-निम्मिलमणस्स अह तस्स संख-कुमरस्स ॥ परिगलइ को वि कालो, सम्मं धम्म करितस्स ।। ११२ ॥ एत्तो य तामलित्ती, निवासिणा रिसहदत्तवरवणिणा ।। कुमरस्स नियय कन्ना, दिन्ना नामेण रयणवई ।। ११३ ॥ ताणमणनमणाणं, निब्भरपडिबंध-बंधुरं जोगं ।। कलिउं नरनारिगणो, तं चिय मिहुणं पसंसेइ ॥ ११४ ।। निच्चं पि रम्मपिम्मा लीला लीला-निवास-सारिच्छा ।। सा तस्स हिययकमले, कमलालीलाइयं वहई । ११५ ॥ अह अत्थसिहरिसिहरं, पत्ते सहस त्ति सत्ततुरयम्मि ।।
Jain Education International 2010_04
For Private & Personal Use Only
www.jainelibrary.org
Page Navigation
1 ... 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 505 506 507 508 509 510 511 512 513 514 515 516 517 518 519 520 521 522 523 524 525 526 527 528 529 530