Book Title: Paumappahasami Cariyam
Author(s): Devsuri, Rupendrakumar Pagariya
Publisher: L D Indology Ahmedabad
View full book text
________________
संखकुमारकहा
१९
• जुंजइ जोई तह वि हु न इमा अहिलसइ नरनाहं ॥ १६७ ॥ ता जइ नियदइयाए, कज्जं आरुहसु तो इमं हंसं ॥ हत्थं चिय गच्छामो, जेण वयं तत्थ नयरम्मि ॥ १६८ ॥ कुमरोजंप कित्तिय मित्ते दूरम्मि तं पुरं एसो || आह इमाउ नगाओ, तं जोयणसयचउक्केण ॥ १६९ ॥ जित्तिय मित्तो कालो, निम्मेस उम्मेस- अंतरालम्मि ॥ तित्तिय कालेण तुमं हंसगओ तत्थ वच्चिहसि ॥ १७० ॥ सो आह सच्चमेयं, किं पुण मह अत्थि चउसु वि दिसासु ॥ जोयणसयदुगअहिए, गमेण गुरु सक्खिओ नियमो ॥ १७१ ॥ अज्जं वा कल्लं वा भज्जा जीवंतयस्स मह मिलिही ॥ सयमेव भग्गनियमो न कह वि मिलिही जुगंते वि ॥ १७२ ॥ धणजणणिजणयचाओ अहव पियाए हविज्ज परिहारो ॥ देहं पि दहउ विरहो तह वि न भंजेमि नियनियमं ॥ १७३ ॥ वज्जरइ निउणबुद्धी, तसाइ - संमद्दवज्जणनिमित्तं ॥ किज्जइदिसिपरिमाणं, वज्जिज्जइ अहियंदिसिगमणं ॥ १७४ ॥ न हि नहयलगमणेणं, कस्स वि जीवस्स होइ संहारो || तम्हा विहियवयस्स वि अविरुद्धं तुज्झ नहगमणं ॥ १७५ ॥ अहना अवर दिसाए, खिवित्तु जोयणसयाणि अह दोन्नि ॥ आगच्छसु तत्थ पुरे जइ तं नियपिययमं महसि ॥ १७६ ॥ सो आह हयलेण वि कयावि अप्पस्स अहव अन्नस्स ॥ अहवा वंछियनयरे, गयस्स संभवइ जीववहो । १७७ ॥ तह अवराइदिसाए, माणं पक्खिविय तत्थ गमणं जं ॥ ते धुवं अइयारो, हवइ विसुद्धस्स नियमस्स ॥ १७८ ॥ सो जंपइ जइ एवं, तो हं गंतूण तत्थ नयरम्मि || आमि तुज्झ भज्जं, जइ आएसं पयच्छेसि ॥ १७९ ॥ कुमरो जंपइ नाहं तुमं पि पेसेमि जेण एवं पि ॥
Jain Education International 2010_04
For Private & Personal Use Only
४०१
www.jainelibrary.org
Page Navigation
1 ... 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 505 506 507 508 509 510 511 512 513 514 515 516 517 518 519 520 521 522 523 524 525 526 527 528 529 530