________________
રમણલાલ, શાંતીલાલ, રસીકલાલ, ચીનુભાઈ, અને જયંતીલાલ અને એ સૌના વૃદ્ધ કાકા મોહનશેઠે, સંધની ખડે પગે ભક્તિ કરી એ અનુમોદનીય છે. સોનામાં સુગંધની જેમ શ્રીયુત કાંતીભાઈએ શ્રી સિદ્ધગીરી ઉપર પૂર્વે વર્ણવ્યા મુજબ મારા પરમ ઉપકારી પૂજ્ય શ્રી રામચંદ્રસૂરીશ્વરજી મ. સા.ના વરદ હસ્તે મારા પૂજ્ય ગુરૂદેવ શ્રીમદ્દ પંન્યાસજી શ્રી ભક્તિવિજયજીની હાજરીમાં તીર્થમાળ પહેરી મનુષ્યજન્મ અને શ્રાવક કુળ પામ્યાને પરમ લ્હાવો લીધે એજ સૌનું કલ્યાણ થાઓ એ અભિલાષાપૂર્વક અંતે એટલું જ કે આ પુસ્તક પ્રગટ કરવાનો આ મારે બાલીશ પ્રયાસ છે, તેમાં ત્રુટીઓ અશુદ્ધિ જે કાંઈ રહી જવા પામી હોય અને જિનેશ્વર ભગવંતોના આશય વિરુદ્ધ –અજ્ઞાનતાથી કાંઈ લખાયું હોય તે બદલ ત્રીવિષે ત્રીવિધે મિચ્છામી દુક્કડ આપી વિરમું છું.
–લલિતવિજયજી
