Nandanvan Kalpataru 2018 06 SrNo 40

Author(s): Kirtitrai
Publisher: Jain Granth Prakashan Samiti

Page 11

भगवद्वन्दनम्
-स्व.आ.श्रीविजयधर्मधुरन्धसूरयः
श्रियं सत्कल्याणां स्मरणकरणाद् यो वितरति
प्रियां रम्यां गम्यां वचनवशतो यच्छति मुदम् । धियं शुद्धां बुद्धां नमनकृतितः संप्रकुरुते
तमादीशं वन्दे विमलविभवं देवमनिशम् ॥१॥ ॐ श्रीमदादिजिनमात्मविकाशवन्तं
भव्यं पदं प्रणतभव्यजनं नमन्तम् । सौवर्णवर्णरुचिरां रुचिमादधानं
शस्तं समस्तदुरितास्तकृतेऽहमीडे ॥२॥ श्रीसिद्धाचलभूषणं जिनपतिं त्रातारमीशेश्वरं
पातारं त्रिजगज्जनस्य नितरां भर्तारमुच्चैः सदा । विश्वाब्जैकदिनेश्वरं सुरनतं चन्द्रोज्जवलं मुक्तिदं
श्रीमन्नाभिनरेन्द्रनन्दनमहं वन्दे त्रिधा भक्तितः ॥३॥ स्तुवे जिनेशं जितराग-रोषं
सम्पूरिताशेषविशषतोषम् । दूरीकृताखण्डप्रचण्डदोषं
प्राप्ताखिलज्ञानप्रमोदकोषम् ॥४॥ सरसरससमेतो विश्वविश्वैकरूपो _ नमदमरमरालै राजमानाब्दपादः । दलितललितकामः पूरिताशेषकामो
जयतु जगदभीष्टो वर्धमानो जिनेन्द्रः ॥५॥