________________
ટાળવાનો અમે પ્રયાસ કર્યો છે અને એથી કેટલાક લેખો સંક્ષેપમાં આપ્યા છે કે જેથી પુસ્તકના વાંચનનો રસ બધા જળવાઈ રહે. કેટલીક લેખસામગ્રી અને સીધી ગુજરાતી ભાષામાંથી પણ લીધી છે. આ તમામ લેખકોના અમે અત્યંત ઋણી છીએ. અમે પૂજય શ્રી સુવ્રતાશ્રીજીની અનુમતિ અનુસાર એ બધા લેખો લીધા છે અને લેખોનો ક્રમ પણ ઘણોખરો તેમની સંમતિથી જ ગોઠવ્યો છે. અમે તૈયાર કરેલી આ બધી સામગ્રી જોઈ જવા માટે પૂ. શ્રી સુવ્રતાશ્રીજી, પૂ. શ્રી સુયશાશ્રીજી અને પૂ. શ્રી સુપ્રજ્ઞાશ્રીજી એ ત્રણે સાધ્વીજી મહારાજનો તથા શ્રી રાજકુમાર જૈન અને અન્ય મહાનુભાવોનો અમે હૃદયપૂર્વક આભાર માનીએ છીએ. જુદા જુદા વિશેષાંકોમાં પ્રગટ થયેલા બીજા જે કેટલાક લેખો, સ્વીકૃત મર્યાદાને કારણે અમે લઈ શકયા નથી એવા તે લેખકોની અમે ક્ષમા પ્રાર્થીએ છીએ.
આ સંપાદનમાં લેખો ઉપરાંત શ્રદ્ધાંજલિ સંદેશાઓ અને શ્રદ્ધાંજલિ કાવ્યો પણ લેવામાં આવ્યાં છે. એમાં પણ સંજોગો અનુસાર અને
સ્વીકારેલી મર્યાદા અનુસાર કેટલીક સામગ્રીનો અમે આ ગ્રંથમાં ઉપયોગ કરી શકયા નથી તે માટે પણ અમે ક્ષમા પ્રાર્થીએ છીએ.
પૂજય શ્રી મૃગાવતીજીએ અનેક વ્યક્તિઓને પ્રેરક અને બોધક પત્રો લખેલા છે. એવા થોડા નમૂનારૂપ પત્રો અમે આ ગ્રંથમાં આપ્યા છે. જે પત્રો આપ્યા છે એથી પણ વિશેષ સારા પત્રો બીજા કેટલાકની પાસે હોવાનો સંભવ છે, પરંતુ અમારી સમય મર્યાદા અનુસાર તેની પણ પૂરતી , ભાળ અમે કાઢી શકયા નથી તે માટે વસવસો રહે છે. અમને એમ લાગે છે કે, ભવિષ્યમાં પૂજય મૃગાવતીશ્રીજીએ લખેલા પત્રોની, એમને વિશે લખાયેલાં શ્રદ્ધાંજલિ કાવ્યોની તથા એમના ઉપર આવેલા અન્ય મહાનુભાવોના પત્રોની એક એક સ્વતંત્ર પુસ્તિકા સંપાદિત કરવા જેવી છે. કે જેથી પૂ. મૃગાવતીશ્રીજીના વ્યક્તિત્વને વધુ સારી રીતે ઓળખવામાં તે તે સામગ્રી સહાયરૂપ થઈ શકે.
આ સંપાદનમાં અમને આ બધી સામગ્રી એકત્ર કરી આપવા માટે તથા સમગ્ર સંપાદનમાં યથોચિત માર્ગદર્શન આપવા માટે પૂ. શ્રી સુવ્રતાશ્રીજીનાં અમે અત્યંત ઋણી છીએ. આ ગ્રંથનિર્માણના કાર્યમાં શ્રી આત્માનંદ જૈન સભા-મુંબઈનો ઉષ્માભર્યો સહયોગ મળ્યો છે. એ સંસ્થાના અમે આભારી છીએ.
પૂજય શ્રી મૃગાવતીશ્રીજીના કેટલાક ફોટાઓ અમે આ ગ્રંથમાં આપ્યા છે. જે આપ્યા છે તે ઉપરાંત પણ બીજા વધુ અને સારા ફોટાઓ મળવાનો સંભવ પણ છે. ભવિષ્યમાં કયારેક આ ગ્રંથની આથી પણ વધુ સમૃધ્ધ સામગ્રી સાથેની આવૃત્તિ પ્રગટ થાય એવી અભિલાષા અમે સેવીએ છીએ.
મહત્તરા શ્રી મગાવતીશ્રીજી
