________________
श्री महानिशीथ सूत्रम्
अच्चंतसुनिम्मलविसुद्धंतकरणे आसायणाभीरु सपरोवयारमब्भुज्जए अच्चंतं छज्जीवनिकायवच्छले सव्वालंबणविप्पमुक्के अच्चंतमपमादी सविसेसचेतियसमयसब्भावे रोद्दट्टज्झाणविप्पमुक्के सव्वत्थ अणिगूहियबलवीरियपुरिसकारपरक्कमे एगंतेण संजईकप्पपरिभोगविरए एगंतेणं धम्मंतरायभीरु एगंतेणं 'सत्तरुई एगंतेणं इत्थिकहा- भत्तकहा-तेणकहा-रायकहा-जणवयकहा- परिभट्ठायारकहा एवं तिन्नि-तियअट्ठारस-बत्तीसं विचित्तसप्पभेयसव्वविगहाविप्पमुक्के एगंतेणं जहासत्तीए अट्ठारसण्हं सीलंगसहस्साणं आराहगे सयलमहन्निसाणुसमयमगिलाए जहोवइट्ठमग्गपरुवए बहुगुणकलिए मग्गट्ठिए सपरोवयारमब्भुज्जए अखलियसीले महायसे महासत्ते महाणुभागे नाणदंसण-चरणगुणोववेए गणी 191
११३
से भयवं ! किमेस वासेज्जा ?, गोयमा ! अत्थेगे जे णं वासेज्जा अत्थेगे जे णं णो वासेज्जा, से भयवं ! केणं अट्टेणं एवं बुच्चइ जहा णं गोयमा ! अत्थेगे जे णं वासेज्जा अत्थेगे जे णं नो वासेज्जा ? गोयमा ! अत्थेगे जे णं आणाए ठिए अत्थेगे जे णं आणाविराहगे, जे णं आणाठिए से णं सम्मद्दंसणनाणचरित्ताराहगे, जे णं सम्मद्दंसणनागचरित्ताराहगे से णं गोयमा ! अच्छंतविऊ सुपद्धरकंडुज्जए मोक्खमग्गे, जे य उण आणाविराहगे से णं अणंताणुबंधी कोहे से णं अणंताणुबंधी माणे से णं अणंताणुबंधी कइयवे से णं अताणुबंधी लोभे, जेणं अणंताणुबंधीकोहकसायचउक्के से णं घणरागदोसमोहमिच्छतपुंजे, जे णं घणरागदोसमोहमिच्छत्तपुंजे से णं अणुत्तरघोरसंसारसमुद्दे जे णं अणुत्तरघोरसंसारसमुद्दे, से णं पुणो २ जंमे पुणो २ जरा पुणो २ मच्छू जे णं पुणो २ जम्मजरामरणे से णं पुणो २ बहुभंवतरपरावत्ते जे णं पुणो २ बहुभवंतरपरावत्ते से णं पुणो चुलसीइजोणिलक्खमाहिंडणं, जे णं पुणो २ चुलसीइजोणि
१. ' तत्तरुई' पाठान्तरमिति ।
