________________
२१४
श्री महानिशीथ सूत्रम्-अध्य०७ हणंतो संघबज्झो, एवं खणंतो भंजंतो 'ल्हसंतो, लूडितो जालिंतो जालावेतो पयंतो पयाविंतो, एतेसु सव्वेसु पत्तेगं संघबज्झो । ___ गुरुंपि पडिसूरेज्जा अन्नं वा मयहराइयं कहिंचि हीलेज्जा गच्छायारं वा संघायारं वा वंदण-पडिक्कमणमाइमंडलीधम्मं वा अइक्कमेज्जा अविहीए वा पव्वावेज वा उवट्ठावेज वा अओगस्स वा सुत्तं वा अत्थं वा उभयं वा परूवेजा अविहीए सारेज वा वारिज्ज वा चोएज वा विहीए वा सारणवारण-चोयणं ण करेजा, उम्मग्गपट्ठियस्स वा जहाविहीए जाव णं सयलजणसन्निज्झं परिवाडीए ण भासेज्जा हियं भासं सपक्खगुणावहं एतेसु सव्वेसु पत्तेगं कुलगणसंघ-बज्झो । कुलगणसंघबज्झीकयस्स णं अच्चंतघोरवीरतवाणुढाणाऽभिरयस्सावि णं गोयमा ! 'अप्पेही, तम्हा कुलगणसंघबज्झीकयस्स णं खणखणद्धघडिगद्धघडिगं वा ण चिट्ठयव्वंति ।
अपच्चुप्पेहिए थंडिल्ले उच्चारं वा पासवणं वा खेलं वा सिंघाणं वा जल्लं वा परिट्ठावेजा निसीयंतो संडासगे ण पमजेजा निव्विगइयायंबिलमहक्कमेणं, भंडमत्तोवगरणजायं जंकिंचि दंडगाइं ठवंते इ वा निक्खिवंते इ वा साहरंते इ वा पडिसाहरंते इ वा गिण्हते इ वा पडिगिण्हते इ वा गेण्हेज वा पडिगेण्हेज वा, एतेसुं असंसत्तखेत्ते पत्तेगं चउरो आयंबिले, संसत्तखित्ते उवठ्ठावणं ।
दंडगं वा रयहरणं वा पायपुंछणं वा अंतरकप्पगं वा चोलपट्टगं वा वासाकप्पं वा जाव णं मुहणंतगं वा अन्नयरं वा किंचि संजमोवगरणजायं अप्पडिलेहियं वा दुप्पडिलेहियं वा उणाइरितं गणणाए पमाणेण वा परिभुजे खवणं ।
सव्वत्थ पत्तेगं । अविहीए नियंसणुत्तरीयं रयहरणं दंडगं वा १. अभिपतन्निति । २. लुण्टयन्निति । ३. प्रतिकूलयेतेति ४. अपात्रस्येति ।
५. अप्रेक्षी-अदर्शनीय इति । ६. बहिष्कृतस्य पार्श्वे न तिष्ठेदिति ।
