________________
श्री महानिशीथ सूत्रम्
१३७ पडिक्कमणमंडलिविराहणजाणगे, जे णं सज्झायमंडलिविराहणजाणगे, जे णं वक्खाणमंडलिविराहणजाणगे, जे णं आलोयणामंडलिविराहणजाणगे, जे णं उद्देसमंडलिविराहणजाणगे, जे णं समुद्देसमंडलिविराहणजाणगे, जे णं पव्वजाविराहणजाणग, जे णं उवट्ठावणाविराहणाजाणगे जे णं उद्देससमुद्देसाणुन्नाविराहणजाणगे, जे णं कालक्खेत्तदव्वभावभावंतरंतरवियाणगे, जे णं कालखेत्तदव्वभावालंबणिविप्पमुक्के जे णं सबालवुड्ढगिलाणसेहसिक्खगसाहम्मियअजावट्टावणकुसले जे णं परुवगे नाणदंसणचारित्ततवोगुणाणं, जे णं चरए धरए पभावगे नाणदंसणचरित्ततवोगुणाणं जे णं दढसम्मत्ते जे णं सययं अपरिसाई जे णं धीइमं जे णं गंभीरे जे णं सुसोमले से जे णं दिणयरमिव अणभिभवणीए तवतेएणं जे णं ससरीरोवरमेऽवि छक्कायसमारंभविवजी, जे णं तवसीलदाणभावणामयचउव्विहधम्मंतरायभीरु जे णं सव्वासायणभीरु जे णं इड्ढिरससायागारवरोद्दट्टज्झाणविप्पमुक्के जे णं सव्वावस्सगमुजुत्ते जे णं सविसेसलद्धिजुत्ते जे णं आवडियपिल्लियामंतिओवि णायरेज्जा
अयजं, जे णं नो बहुनिद्दो, जे णं नो बहुभोई जे णं सव्वावस्सगसज्झायज्झाणपडिमाभिग्गह-घोर-परीसहोवसग्गेसु जियपरीसमे, जे णं सुपत्तसंगहसीले, जे णं अपत्तपरिट्ठावणविहिन्नु, जे णं
अणुद्धयबोंदी, जे णं परसमयससमयसम्मवियाणगे, जे णं कोहमाणमायालोभममकारादिइतिहासखेड्डुकंदप्पणाहियवायविप्पमुक्के
धम्मकहासंसारवासविसयाभिलासादीणं वेरग्गुप्पायगे पडिबोहगे भव्वसत्ताणं से णं गच्छनिक्खेवणजोग्गे से णं गणी से णं गणहरे से णं तित्थे से णं तित्थयरे से णं अरहा से णं केवली से णं जिणे से णं तित्थुब्भासगे से णं वंदे से णं पुजे से णं नमसणिज्जे से णं दट्ठव्वे से णं परमपवित्ते से णं परमकल्लाणे से णं परममंगले से णं सिद्धी से णं मुत्ती से णं सिवे से णं मोक्खे से णं ताया से णं संमग्गे से णं गती से १. अकार्यं नाचरेदिति । २. अक्षतशरीर इति । ३. धर्मकथया वैराग्योत्पादक इति ।
