________________
श्री महानिशीथ सूत्रम्-अध्य०५ जहा दुरंतपरंतलक्खणे अदट्ठव्वे महापावकम्मकारी सम्मग्गपणासओ अहयंति एवं निंदित्ताणं गरहित्ताणं आलोइत्ता णं च जहाभणियं पायच्छित्तमणुचरेज्जा से णं किंचुद्देसेणं आराहगे भवेज्जा, जइ णं नीसल्ले नियडीविप्पमुक्के न पुणो सम्मग्गाओ परिभंसेज्जा, अहा णं परिभस्से तओ णाराहेइ ।१४।
से भयवं ! केरिसगुणजुत्तस्स णं गुरुणो गच्छनिक्खेवं कायव्वं ? गोयमा ! जे णं सुव्वए जे णं सुसीले जे णं दढव्वए जे णं दढचारित्ते जे णं अणिंदियंगे जे णं अरहे जे णं गयरागे जे णं गयदोसे जे णं निट्ठियमोहमिच्छत्तमलकलंके जे णं उवसंते जे णं सुविन्नायजगद्वितीए जे णं सुमहावेरग्गमग्गमल्लीणे जे णं इत्थीकहापडिणीए जे णं भत्तकहापडिणीए जे णं तेणगकहापडिणीए जे णं रायकहापडिणीए जे णं जणवय-कहापडिणीए जे णं अच्चंतमणुकंपसीले जे णं परलोगपच्चवायभीरु जे णं कुसीलपडिणीए जे णं विन्नायसमयसब्भावे जे णं गहियसमयपेयाले जे णं अहन्निसाणुसमयं ठिए खंत्तादि-अहिंसालक्खणदसविहे समणधम्मे जे णं उज्जुत्ते अहन्निसाणुसमयं दुवालसविहे तवोकम्मे जे णं सुउवउत्ते सययं पंचसमिईसु जे णं सुगुत्ते सययं तीसु गुत्तीसुं जे णं आराहगे ससत्तीए अट्ठारसण्हं सीलंगसहस्साणं जे णं अविराहगे एगंतेणं ससत्तीए सत्तरविहस्स णं संजमस्स, जे णं उस्सग्गरुई जे णं तत्तरुई, जे णं समसत्तुमेत्तपक्खे, जे णं, सत्तभयट्ठाणविप्पमुक्के, जे णं अट्ठमयट्ठाणविप्पजढे जे णं नवण्हं बंभचेरगुत्तीणं विराहणाभीरु जे णं बहुसुए, जे णं आरियकुलुप्पन्ने जे णं अदीणे, जे णं अकिविणे जे णं अणालसिए, जे णं संजईवग्गस्स पडिवक्खे जे णं सययं धम्मोवएसदायगे जेणं सययं ओहसामायारीए परुवगे, जे णं मेरावट्ठिए जे णं असामायारीभीरु, जे णं आलोयणारिहपायच्छित्तदाणपयच्छणक्खमे, जे णं वंदणमंडलिविराहणजाणगे जे णं
e.
1.
