________________
२०६
श्री महानिशीथ सूत्रम् - अध्य०७
से भयवं ! कयरे ते आवस्सगे ? गोयमा ! णं चिइवंदणादओ । से भयवं ! 'कम्हि आवस्सगे असई पमायदोसेणं कालइक्कमिए इ वा वेलाइक्कमिए इ वा समयातिक्कमिए इ वा अणोवउत्तपमत्ते इ वा' अविहीए इ वा समट्ठिए इ वा णो णं जहुत्तयालं विहीए सम्म अणुट्टिए इ वा 'असंपडिए इ वा विच्छं पडिए इ वा अकए इ वा पमाए इ वा केवइयं पायच्छित्तमुवइसेज्जा ? गोयमा ! जे केई भिक्खु वा भिक्खुणी वा संजयविरयपडिहयपच्चक्खाय-पावकम्मे दिक्खादियाप्पभिईओ अणुदियहं जावजीवाभिग्गहेणं सुवीसत्थे ' भत्तिनिब्भरे जहुत्तविही सुत्तत्थमणुसरमाणो अणण्णमाणसेग्गचित्ते तग्गयमाणससुहज्झवसाए थयथुईहिं ण तेकालियं चेइए वंदेज्जा तस्स णं एगाए वारा खवणं पायच्छित्तं उवइसेज्जा बीयाए छेयं । तइयाए उवट्ठावणं ।
अविहीए चेइयाइं वंदे तओ पारंचियं, जओ अविहीए चेइयाई वंदेमाणो अन्नेसिं असद्धं संजणे ईइकाऊणं । जो उण हरियाणि वा बीयाणि वा पुप्फाणि वा फलाणि वा पूयट्ठाए वा महिमट्ठाए वा सोभट्ठाए वा संघट्टेज वा संघट्टावेज वा छिंदिज्ज वा छिंदावेज वा संघट्टिताणि वा छिंदिज्जंताणि वा परेहिं समणुजाणेज वा एएसुं सव्वेसुं उवट्टावणं खमणं चउत्थं आयंबिलं एक्कासणगं निव्विगइयं गाढागाढ-भेदेणं जहासंखेणं णेयं । जे णं चेइए वंदेमाणस्स वा नमसमाणस्स वा संथुणेमाणस्स वा पंचप्पयारं सज्झायं वा पयरेमाणस्स वा विग्घं करेज्ज वा कारवेज वा कीरंतं वा परेहिं समणुजाणेज्ज वा से तस्स एएसुं दुवाल छट्टं एक्कासणगं कारणिगस्स, निक्कारणिगे अवंदे संवच्छरं जाव पारंचियं काऊणं उवद्वावेज्जा | ६ |
जे णं पडिक्कमणं नो पडिक्कमेज्जा से णं तस्सोवट्ठावणं निद्देसेज्जा,
9.
कस्मिन्नावश्यक इति । २ 'अणोवउत्तपमत्तेहिंवा' पाठान्तरमिति । ३. सम्यग् न घटित इति । ४. विलम्बेन घटिते यदि वा वैपरीत्येन घटित इति ५. सुविश्वस्त इति ।
