Book Title: Bhuvanabhanukevalicariya
Author(s): Indahansagani, Ramnikvijay Gani
Publisher: L D Indology Ahmedabad
View full book text
________________
भुवणभाणुकेवलिचरियं
नामेण तस्स भज्जा सुदंसणा 'दंसणेण सुपसत्था ।
सारयविसारया जा सारयघणविसयसीला य ॥२३॥ जीए एसा णो तणुलट्ठी सावण्णिआ लया किंतु । तत्थ इणं पुण वयणं चंदकलाघडिअपउमं व ॥२४॥ तस्सुवरि णयणाई मरगय-माणिकपुग्गलकयाई । कमलाणि इमाणि पुणो जाणे जणहरिसजणयाई ॥२५॥ युग्मम ।। किं विउलच्छी लच्छी १ सुपव्वदेवी ध १ पव्वई वा वि ? । णिरूवमरूवं जीए जाणंति जणा पलोअंता ॥२६॥ दंता दाडिमकलिआउ जीइ अहरा 'पषालसयलाई। सामलवण्णा वेणीदंडो भुअगो पयंडो अ ॥२७॥ भुवणालवालमज्झे जा देवलय व्व रोविआ विहिणा। अमिअरसेणं सित्ता तेणं 'पञ्चंगचंगगुणा ॥२८॥ तीए जाओ अ बली तणुओ भाणु व्व पुष्वआसाए । जो होइ वढमाणो चंदु व्व सयलकलावंतो ॥२९॥ 'सत्थोहपरिस्समओ सुहडत्तण-पंडिअत्तसंपत्तो। सीहोवमाणसत्तो पण्णाविण्णायतत्तो जो ॥३०॥ जस्संगसंगमाओ गुणा वि गुरुअत्तणं गया नूणं । जह कणगसेलपासा तणाणि वि सुवण्णकंतीणि ॥३॥ "मग्गणमुहमग्गियधणवरिसणमेहो सुरायरिअमेहो । जो गुणनिहाणदेहो परिणीअणिवसुअकयणेहो ॥३२॥ कणगं व जो सविणओ सूरो इव दित्ततेअगुणवंतो । तिहुअणलोअणजणिआणंदो चंदो इव कुमारो ॥३३॥ पुहवीइ कप्परुक्खा लज्जागुणओ ''अदिस्सया जाया । ''जाणे गरिंदअत्तयदाणकलाए जिआ सव्वे ॥३॥ जेणं कुमरतं भुत्तं वीसं वासपुव्वलक्खाई। अवहरिआई करूणायंतेणं ''दुहिअदुक्खाई ॥३५॥ सुमुहुत्तम्मि उ पिउणा रज्जे ठविओ महूसवेण सुओ। "सुरभूमिरुहो जाणे जाओ जं मंजरीवंतो ॥३६॥
१. दर्शनेन सम्यक्त्वेन च ॥ २. शारदाविशारदा या शारदधनविशदशीला च ॥ ३. विपुलाक्षी लक्ष्मीः सुपर्वदेवी-देवाङ्गना वा पार्वती वाऽपि ॥ ४. प्रवालशकलानि ॥ ५. प्रत्यङ्गचङ्गगुणा-प्रत्यङ्गसुन्दरगुणा ॥ ६. सुभटत्वपक्षे शस्त्रौघपरिश्रमात् । पण्डितत्वपक्षे शास्त्रोधपरिश्रमात् ॥ ७. मार्गणमुखमार्गितधनवर्षणमेघः ॥ ८. सुराचार्य इव-पृहस्पतिवद् मेधा-बुद्धिः यस्य सः॥ ९. नृपसुताकृतस्नेहः॥ १०. अदृश्या एव अदृश्यकाः॥ ११. नरेन्द्रात्मजदानकलया, कला-नैपुण्यम् ।। १२. दुःखितानां दुःखानि ॥ १३. सुरभूमीवहः-कल्पवृक्षः ॥
Jain Education International
For Private & Personal Use Only
www.jainelibrary.org
Page Navigation
1 ... 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170