Bhuvanabhanukevalicariya

Author(s): Indahansagani, Ramnikvijay Gani
Publisher: L D Indology Ahmedabad

Page 160

भुषणभाणुकेवलिचारियं
मंतिसुअचित्तमइणा वयं च विसयसुहसीलभावेण । परिपालिों न सम्म अहो! मुहा हारिओ जम्मो ॥१९९२॥ तह विजयसेणनिवसुअभवम्मि देसविरं च लहिऊणं । एगारसगुणठाणे गयागयं कयमिमेण तप ॥१९९३।। सिद्विसुअपुंडरीअगभवे मुणी पढिअ सव्वपुच्वाइं । निद्दापमायवसओ हारेइ जिओ तुह नरिंद! ॥१९९४॥ तुमणंताणंतगपुग्गलगपरावट्टएसु इअ भमिओ । मोहाइवसेण अणंतसो निरत्थीकयनियजम्मो ॥१९९५।। अह पउमत्थलनयरे स सीहविक्कमसुएण सम्मत्तं । सम्मं पालिअमोहाइखओ पुण्णोदयो अ कओ ॥१९९६॥ पुण्णोदएण तेणं सत्तमदेवालयम्मि गंतूणं । भुत्ता दिव्वा भोगा सुहगा तुमए अपुवा य ॥१९९७।। कमलागरनयराहिवसिरिचंदनरिंदपुत्तभाणुभवे ।। गहिअ वये तुममाराहिओ गओ नवमगेविज्जे ॥१९९८।। अह पउमखंडनयरिंदइंददत्ताभिहाणनरनाही। समणो होउं मोहाईण खयं कुणइ 'तवसत्तो ॥१९९९॥ पुण्णोदयपोसो परमतमो तेणं महे सिणा य कओ। सव्वदृसिद्धनामे महाविभाणम्मि एस मओ ॥२०००। तत्तो चइऊण तुम जाओ इत्थ बलिनामओ राया । निअचरिअं सुच्चा संभंतो सो पडइ गुरुपएसु ॥२००१॥ भणइ निवो भयवं! अइविसमा मोहाइसत्तुणो ताव । जं अजवि इत्थभवे छलंति एए तहेव ममं ॥२००२।। चारित्तधम्मसिन्नं समप्पसु पसायकारगोऽसि तुमं । जेणमिमे पहवंति न ममं अहं ते अ छिदेमि ॥२००३।। वसुहानायग! तुम्हारिसाणमुत्तमनराण जुत्तमिणं । मम सीसो होसु तुमं वंछिअसिद्धी अ तुह होही ॥२००४॥ एस उवाओ नेओ मोहाइखर्यकरो तए राय ! । संजमधम्म सरणं पवजसु तुमं विगयसंगो ॥२००५॥ मा चयसु सव्वविरईइ संगमेगखणमवि तुमं ताव । सब्बोहदसण-सयागमे परिचिए कुणसु राय ! ॥२००६।।
१ तपःशकः॥ २ महर्षिणा ॥