Bhuvanabhanukevalicariya

Author(s): Indahansagani, Ramnikvijay Gani
Publisher: L D Indology Ahmedabad

Page 155

१३८
सिरिइंदहंसगणिविरइयं
सममेव तवं पच्छा य करिस्सामो वयं समणसामि ! । पत्तं तवस्स य फलं पञ्चक्खं इत्थ लोगम्मि ॥१९१७॥ उवगारकारगाणं जुत्तमिमं होइ तुम्ह सरिसाणं । किंतु मणुस्सभवाइअसामग्गी दुल्लहा राय ! ॥१९१८॥ रजं विणस्सरसहावं सुरचावं व चंचला लच्छी । इच्चाइ भाविऊणं चरसु तुमं निव ! जिणुत्तपहे ॥१९१९॥ लद्धसुहपरिच्चोएण को सुहं वंछए अदिहूं व । इअ निववयणं सुच्चा चिंतेइ मुणी गुणसमुद्दो ॥१९२०।। पडिबुज्झइ नेव निवो पुब्बभवनिआणकारगो जेणं । उवएसाणं एसो असज्झगो त्ति समणो चलिओ ॥१९२१।। आराहिऊण समणो केवलनाणं खणेण लहिऊणं । सासयसुक्खं मुक्खं संपत्तो चित्तअभिहाणी ॥१९२२॥ एगेणं विप्पेणं सभोअणं जाइओ उ नरनाहो । अन्नस्स चक्किमोअणमेअं नवि 'जिजए विप्प! ॥१९२३।। दाणपडिसेहकरणे विप्पो निंदेड भ्रमिधवसीह । सकुडुंबं विप्पमसूआए भोएइ चकहरो ॥१९२४।। रयणीए पसुणी पिव पवहिआ तेउ रागचिट्ठाए । विप्पो अ लजिओ रायवरे वइरं वहेइ दढं ॥१९२५।। नयराउ निग्गपण तेणं गोवो निरिक्खिओ एगो । 'अयलिंडिआहिमस्सयत्थदलाई विभिदंतो ॥१९२६।। दाणाई हिं गांवो पलोभिओ तेण तस्स पासाओ । गोलयनिक्खेवेणं च चक्किणो कडिए नित्ते ॥१९२७।। रुटेण नरवरेणं सकुडुबो घाइओ इमो विप्पो । अन्ने वि दिए हणिउं तन्नित्ताई खिवसु थाले ॥१९२८॥ तं थालं मह पासे ठवेसु ताई जहा विमइमि । एवं व पायगजोगो मंती मई कुणइ ॥१९२९।। गुंदाफलभरिअं थालं मुक्त मंतिणा निवसमीवे । नयणमईए गुंदाई राया ताव मद्देइ ॥१९३०।। एवं पावं काउं आउं पूरिअ (तया पुण) छचंदहयमाणं । सत्तमपुढवीइ गओ पावमई बंभदत्तो त्ति ॥१९३१।।
१ जीर्यते पचति इत्यर्थः ॥ २ अजालिण्डिकाभिः अश्वत्थदलानि विभिन्दन ॥