Bhuvanabhanukevalicariya

Author(s): Indahansagani, Ramnikvijay Gani
Publisher: L D Indology Ahmedabad

Page 135

११८
सिरिइंदहंसगणिविरइयं
इअ बलिनामे कुमरे अञ्चन्भुअगुणमणोहरे सुणिए । देसाहिवनिवकन्नाओ जायाओ सरागाओ ॥१६१८॥ एअम्मि भवे अम्हे इमस्स कुमरस्स पाणिगहणं च । कुणिमो अवरस्स य नेव निच्छओ निम्मिओ ताहिं ॥१६.९॥ 'एअमुदंतं मुणिउं राएहिं पेसिआउ कन्नाओ । निअनिअदेसेहितो मणुनपरिवारसहिआओ ॥१६२०॥ निअरूवसारलच्छीतजितअच्छरगणाउ कुमरीउ । ताओ सयंवराओ समागयाओ गयगईओ ॥१६२१।। चिंतति ताय-माया उ अहो! रायकुमरस्स सोहग्गं । आगरिसिऊण जेणं आणीआओ निवसुआओ ॥१६२२।। नरवइणा तासिं आवासा दिन्ना पमोअकलिएण । लायण्णपूरिअसरीराणं तेलुक्कसाराणं ॥१६२३।। अच्छरिअं अच्छरिअं जासिं नेवऽच्छराओ तुल्लाओ । 'समवच्छराण तुच्छेअरछेअत्तणगुणजुआणं ॥१६२४॥ वयगहणाभिप्पाओ पुरा वि नाओ निवेण अस्थि तओ । राया देवी गंतूण भणंति नरिंदपुत्तस्स ॥१६२५।। घच्छ! अइ तुम अम्हे गणेसि धम्मस्स सारमुणगो सि । घिप्पसु तया तुम रायसुआणं पाणिमेआसिं ॥१६२६।। तुह गुणसवणागरिसिअमणाउ गच्छंति जइ निरासाओ । पत्थागयाउ रायवरपेसिआओ 'सधूआओ ॥१६२७।। अम्हाणं एअं खेअकारणं 'सिरिगरं न लोअम्मि । तम्हा कुमरीण मणोरहं तुमं ताव पूरेसु ॥१६२८।। माया-पिऊण हरिसं करेसि जइ ताव अम्ह वयणाई । *समणम्मि ठवेसु जओ तुमं पिओ वच्छलो निच्चं ॥१६२९।। तत्तो बलिरायसओ चितेड अ ताय-मायनिबंधो । एसो दढो करिजइ किमित्थ पयबंधणं बहुअं ॥१६३०॥ । लंघेमि अहं जइ पिउवयणाई ता हविस्सए असुहं । माया-पिआण एगो तणओ ताणं अहं जम्हा ॥१६३१।। चिंतिअकज पुणरवि अहं करिस्सामि अवसरम्मि तओ। करगहणविहाणेणं करेमि माया-पिउसमाहिं ॥१६३२।।
१. एतम्-उदन्तम्-वृत्तान्तम् ॥ २. समवत्सराणाम् ॥ ३. स्वदुहितरः ॥ ४. स्वमनसि ॥