________________
असं० एवं एगिंदियवजाणं जाव वेमाणियाणं अप्पाबहुगं, एगिंदियाणं नत्थि अप्पाबहुगं । एएसि णं भंते ! सिद्धाणं कतिसंचियाणं अवत्तगसंचियाण य कयरे २ जाव विसेसाहिया वा ?, गो० ! सङ्घत्थोवा सिद्धा कतिसंचिया अवत्तगसंचिया संखेजगुणा ॥ नेरइयाणं भंते । किं छक्कसमज्जिया १ नोछक्कसमज्जिया २ छक्केण य | नोछक्केण य समज्जिया ३ छकेहि य समज्जिया ४ छकेहि य नोछक्केण य समज्जिया ५१, गोयमा ! नेरइया छक्कसमज्जियावि १ नोछक्कसमज्जियावि २ छक्केण य नोछक्केण य समज्जियावि ३ छकेहि य समज्जियावि ४ छक्केहि य नोछक्केण य समज्जियावि ५, से केणद्वेणं भंते ! एवं बुच्चइ नेरइया छक्कसमज्जियावि जाव छक्केहि य | नोछक्केण व समज्जियावि ?, गोयमा ! जे णं नेरइया छक्कएणं पवेसणएणं पविसंति ते णं नेरइया छक्कसमजिया १ जे णं नेरइया जहन्नेणं एक्केण वा दोहिं वा तीहिं वा उक्कोसेणं पंचएणं पवेसणएणं पविसंति ते णं | नेरइया नोछक्कसमज्जिया २ जेणं नेरइया एगेणं छक्कएणं अन्नेण य जहनेणं एक्केण वा दोहिं वा तीहिं वा उक्को| सेणं पंचएणं पवेसण एणं पविसंति ते णं नेरझ्या छक्केण य नोछक्केण य समजिया ३ जे णं नेरइया गेहिं छक्केहिं पवेसणएणं पविसंति ते णं नेरइया छक्केहिं समज्जिया ४ जे णं नेरइया णेगेहिं छक्केहिं अण्णेण य जह| नेणं एक्केण वा दोहिं वा तीहिं वा उक्कोसेणं पंचएणं पवेसणएणं पविसंति ते णं नेरझ्या छक्केहि य नोछक्केण य समज्जिया ५ से णं तं चैव जाव समज्जियावि, एवं जाव थणियकुमारा । पुढविकाइयाणं पुच्छा, गोयमा ! पुढविकाइया नो छक्कसमज्जिया १ नो नोछक्कसमज्जिया २ नोछक्केण य समंजिया ३ छक्केहिं समज्जि
Jain Education International
For Personal & Private Use Only
www.jainelibrary.org
