Shobhan Stuti Vruttimala Part 02

Author(s): Rihtvardhanvijay
Publisher: Kusum Amrut Trust

Page 154

श्रीनमिजिनस्तुतयः 345 जलादीनां सकाशादित्यर्थः / किंभूतः ? / गुरुः-महान् / वाहः-अश्वः / न विद्यते पातः-च्यवनं आपद्विपत् अघं-पापं च यस्यां सा चासौ नगरी च, युक्त्या मुक्तिरेव, तस्या याने-गमने सुष्ठुमतः-अभिप्रेतः / स्फुटा-अविसंवादिन्यो विकटा-विस्तृता हेतुप्रमितयः हेतवः प्रमाणानि च (ताः) भजते यः (स) स्फुटविकटहेतुप्रमितिभाक् / उरुः-विशालः / वा शब्दश्चकारार्थे / अहो इत्यामन्त्रणे / पाता-त्रायकः / पदघनगरीयान् पदघनः-अर्थनिबिडः गरीयांश्च महत्त्वयुक्तः / यद्वा पदेषु वाक्यावयवेषु घनश्च गरीयांश्च / / 83 / / कालीदेव्याः स्तुतिःविपक्षव्यूहं वो. दलयतु गदाक्षावलिधरा ऽसमा नालीकालीविशदचलना नालिकवरम् / समध्यासीनाऽम्भोभृतघननिभाऽम्भोधितनयासमानाली काली विशदचलनानालिकबरम् // 4 // 84 // - शिख० (1) - ज० वि०-विपक्षेति / काली-काल्याख्या देवी वः युष्माकं विपक्षव्यूहं दलयतु-विनाशयतु इति क्रियाकारकप्रयोगः / अत्र ‘दलयतु' इति क्रियापदम् / का की ? 'काली' / किं कर्मतापन्नम् ? 'विपक्षव्यूहम्' / केषाम् ? 'वः' / काली कथंभूता ? 'गदाक्षावलिधरा' गदा-प्रहरणविशेषः अक्षावलिःमाला ते धारयतीति गदाक्षावलिधरा / पुनः कथं० ? 'असमा' असदृशी / पुनः कथं० ? 'नालीकालीविशदचलना' नालीकाली-कमलावली तद्वद् विशदौ-उज्ज्वलौ चलनौ-पादौ यस्याः सा तथा / काली किं कुर्वाणा ? 'समध्यासीना' सम्यक् अधिरोहन्ती / किं कर्मतापन्नम् ? 'नालिकवरं' प्रधानपद्मम् / नालिकवरं कथंभूतम् ? 'विशदचलनानालिकवरं' विशन्तः-निलीयमानाः अचलाः-स्थिराः एतादृशा ये नानालिनः नानालयो वा-विचित्रमधुकराः तैः कबरं-कर्बुरम् / अत्र यमकवशात् बवयोरैक्यम् / काली पुनः कथं० ? ‘अम्भोभृतघननिभा' जलभरितमेघप्रभा, श्यामवर्णेत्यर्थः / पुनः कथं० ? 'अम्भोधितनयासमानाली' अम्भोधितनया-लक्ष्मीः तस्याः असमाना-अनन्यसमा आली-सखी / / अथ समासः-विपक्षाणां व्यूहः विपक्षव्यूहः 'तत्पुरुषः' / तं विपक्ष० / गदा च अक्षावलिश्च गदाक्षावली ‘इतरेतरद्वन्द्वः' / गदाक्षावली धारयतीति गदाक्षावलि० 'तत्पुरुषः' / न समा असमा 'तत्पुरुषः' / नालीकानामाली नालीकाली ‘तत्पुरुषः' / नालीकालीवद् विशदौ नालीक० 'तत्पुरुषः' /