________________
(૨૦) • શક્શછત્રછમુદી ભાષાંતર ૬. કનકલતા, ૭. વિદ્યુલ્લતા અને ૮. કુંદલતા, એ નામની આઠ સ્ત્રીઓ હતી.
એકદા તે પડ્યોદય રાજા પ્રત્યે વનપાલકે શ્રી વીતરાગ પ્રભુનું આગમન જણાવ્યું, તેથી પ્રભુને વંદન કરવા માટે રાજા અને અદાસ ગયા. પ્રભુએ ધર્મદેશના દીધી તે તેમણે શ્રવણ કરી. વિશેષ કરીને જિનપૂજાના સંબંધે -
જિન-મંદિર જાઉં એમ વિચારતો જીવ ચતુર્થ – એક ઉપવાસનું ફળ પામે. એમ વિચારીને જિન-મંદિર જોવા ઉક્યો એટલે છઠ્ઠ - બે ઉપવાસનું ફળ પામે. પછી ત્યાં જવાને ઉજમાળ થયો એટલે અઠ્ઠમ – ત્રણ ઉપવાસનું, શ્રદ્ધાપૂર્વક માર્ગમાં ચાલવા લાગ્યો એટલે દશમ - ચાર ઉપવાસનું, જિન મંદિરે પહોંચ્યો એટલે પાંચ ઉપવાસનું, જિન મંદિરમાં દાખલ થયો એટલે ૧૫ ઉપવાસનું, અને જિનેશ્વર ભગવાનને ભલે ભાવે ભેટતાં એક માસ ઉપવાસનું ફળ પોતે પામે છે.' વળી “જિન મંદિરમાં જયણાથી કાજો લેતાં તેમજ નિર્માલ્ય ઉતારીને પ્રભુજીને અભિષેક કરતાં સોગણું પુન્ય થાય છે, ચંદનાદિક શીતળ દ્રવ્યોથી પ્રભુના અંગે વિલેપન કરતાં હજારગણું પુન્ય થાય છે, સુગંધિ-ખુબુ ભરેલા તાજાં ફુલોની વિધિયુક્ત ગુંથીને બનાવેલી માળા પ્રભુના કંઠે આરોપણ કરવાથી લાખગણું પુન્ય થાય છે, અને પ્રભુ સમીપે એકતાનથી ગીત વાજિંત્ર-સંગીતક નાટક કરતાં આત્મા અનંતગણું પુન્ય હાંસલ કરે છે.' એવા પ્રકારની ધર્મદેશના સાંભળીને સહુ કોઈ સભ્ય ભવ્યજનોએ પ્રભુની પૂજા-ભક્તિ કરવા સંબંધી નિયમો ગ્રહણ કર્યા. તે વખતે વિશેષ કરીને અદ્દાસે ત્રિકાળ-પ્રભાત, મધ્યાન્ડ અને સાયંકાળે પ્રભુનાં દર્શન-પૂજા કરવાનો તથા દરેક ચતુર્નાસિકે-ચાર ચાર મહિને ચૈત્ય પરિપાટિકા કરવાનો (સઘળાં જિનચૈત્યોને સ્વજન-પરિજન સહિત જાહારવાનો) નિયમ અંગીકાર કર્યો; એટલે “હું ત્રિકાળ પ્રભુ પૂજા-ભક્તિ કરીશ અને દરેક ઉમાસીએ હું ચૈત્ય પરિપાટિકા કરીશ.” એ રીતે અહદાસે પ્રતિજ્ઞા કરી. પછી સહુ કોઈ પોત પોતાના સ્થાનકે ગયા.
એકદા પક્વોદય રાજા, કાર્તિક માસની પૂર્ણિમાને દિવસે પ્રતિવર્ષે પોતાના ઉદ્યાનમાં કૌમુદીયાત્રા કરતો હતો. ત્યાં પુરુષો વિના ફક્ત સ્ત્રીઓ જ આવતી હતી. એ ઉત્સવમાં નૃત્ય, ગીત અને વિનોદ વિગેરે ક્રીડા કરી મ્હોટા આડંબરે મહારાજા પોતાના નગરમાં આવતો હતો. પ્રતિવર્ષે આવા સુખથી તે ઉત્તરમથુરા નગરીનું રાજ્ય કરતો હતો.
એક વખતે કાર્તિક માસની પૂર્ણિમાનો દિવસ આવ્યો, એટલે રાજાએ
