________________
& ગ્રખર ચોરની 8થા ૦ (૫૧) મંત્રના પ્રભાવથી સૌધર્મ દેવલોકમાં સોળ આભૂષણે શોભિત અને અનેક પરિજનસહિત દેવતા થયો.
હવે જિનદત્તશેઠ વિલંબ કરી કેટલેક વખતે પાણી લઈને આવ્યા, તેવામાં વિકારરહિત અને અંજળિ જોડી રહેલો તે ચોર તેમના જોવામાં આવ્યો. ચોરને જોઈ શેઠે કહ્યું કે, “અહો ! ઉત્તમ સમાધિ વડે આ ચોર સ્વર્ગે ગયો.” અહદાસ પુત્રે પોતાના પિતાને કહ્યું. “હે પિતાજી ! સત્સંગ છે તે કોનું પાપ નથી હરતો ? અર્થાત્ સર્વનું પાપ હરે છે. કહ્યું છે કે : જો સત્સંગ કર્યો હોય તો તે બુદ્ધિની જડતાને નાશ કરે છે, વાણીમાં સત્યતાને સિંચે છે, માન પ્રતિષ્ઠાની ઉન્નતિ આપે છે, પાપને ટાળી નાંખે છે, ચિત્તને પ્રસન્ન કરે છે, અને દિશાઓમાં સારી કીર્તિ ફેલાવે છે. તેથી કહો, પુરુષોને સત્સંગ શું શું હિત નથી કરતો ?'
પુત્રના એ વચનથી શેઠ ખુશ થયા. પછી ત્યાંથી પાછા વળી ગુરુને વંદના કરી સર્વ વૃત્તાંત કહી અને ઉપવાસનું પચ્ચખાણ કરી શેઠ તે જિનાલયમાં રહ્યા. શેઠે પુત્રને કહ્યું કે, “હે વત્સ ! મોટા પુરુષોના સંસર્ગથી કોની ઉન્નતિ ન થાય? કહ્યું છે કે : હોટાનો સંસર્ગ કોની ઉન્નતિનું કારણ નથી ? અર્થાત્ સર્વની ઉન્નતિનું કારણ છે. જુઓ કે, ગંગામાં પ્રવેશ કરેલું શેરીનું જળ દેવતાથી પણ વંદન કરાય છે.”
આવી રીતે પિતા પુત્ર વાત કરે છે, તેવામાં રાજાના ગુપ્ત સેવકોએ આ વૃત્તાંત રાજાની પાસે આવીને કહ્યો, અને જિનદત્ત શેઠે ચોરની સાથે ઘણી વાતચિત કરી એમ પણ જણાવ્યું ! રાજાએ આદેશ કર્યો કે, “ચોરની સાથે વાતચિત કરનાર આ શેઠ રાજાનો દ્રોહી છે, અને તેની પાસે ચોરીનું દ્રવ્ય પણ હોવું જોઈએ; તેથી તેને બંધન કરી પકડી લાવો.” કોપ પામેલા રાજાની આજ્ઞાથી લેવામાં સુભટો શેઠને બાંધવાને આવ્યા, તેવામાં પેલો ચોર જે મૃત્યુ પામીને સૌધર્મ દેવલોકમાં દેવતારૂપે ઉત્પન્ન થયો હતો તેણે વિચાર્યું કે, “પુણ્ય વિના આવી સામગ્રી પ્રાપ્ત થતી નથી. કહ્યું છે કે : “જ્યારે પૂર્વના કરેલાં પુણ્યનો ફળીભૂત થવાનો સમય આવે છે, ત્યારે મિષ્ટાન્ન, પાન, શયન, આસન, સુગંધી પુષ્પોની માળા, વસ્ત્ર, સ્ત્રી, આભૂષણ, વાહન અને ઘર વિગેરે વસ્તુઓ પુરુષોને યત્નવિના પણ આવી આશ્રય કરે છે.'
આવી રીતે તે દેવતા ચિતવે છે, તેવામાં તેણે અવધિજ્ઞાનથી પોતાના
